اسلام آباد۔4مئی (اے پی پی) د قومي اسمبلۍ سپيكر راجه پروېز اشرف او ډپټي سپيكر زاهد اكرم دراني وئيلي دي تېر حكومت آئين مات كړو٬ د پارليمنټ نه زيات اهميت يۍ ايوان صدر ته وركړو٬ د اولسي اهميت په ټولو مسئلو به پارليمنټ كښې بحث كولې شي۔ د قومی اسمبلۍ سېكرټرېټ ميډيا ونګ لخوا د جاري شوي بيان له مخې د دې خيالاتو څرګندونه د قومي اسمبلۍ سپيكر راجه پروېز اشرف دوهم سپيكر زاهد اكرم دراني سره د ټېلېفوني تماس په مهال خپلو خبرو كښې وكړه۔ سپيكر او دوهم سپيكر يو بل ته د كوچني اختر مباركي هم وركړه۔ دواړو لارښودو په دې خبره زور راوړو چې د اختر په خوشحالو كښې به مونږ له د مستحق وګړو خاص خيال ساتل وي۔ د بيان له مخې دواړه لارښود دې ته صلاح شول چې پاك پروردګار مونږ ته موقعه راكړې دې ٬ مونږ له به د هېواد او اولس وقار زياتول وي۔ دوئي ووئيل تېر حكومت آئين مات كړو٬ د پارليمنټ نه زيات اهميت يۍ ايوان صدر ته وركړو٬ د اولسي اهميت په ټولو مسئلو به پارليمنټ كښې بحث كولې شي۔ دوهم سپيكر ووئيل په پارليمنټ د اولس باور بحالول زمونږ تر ټولو لومړۍ ترجيح ده۔
