اسلام آباد 06 اپريل (اے پي پي) وزيراعظم عمران خان وئېلي دي چې حكومت په وړومبي ځل په شوګر مافيا لاس اچولې٬د شوګر مافيا په ضد پلټنو كولو سره كاروائي كولې شي٬اولس د غربت څخه ويستل د حكومت وړومبې ترجيح ده٬د يو اېن ډي پي په رپورټ كښې به د سفارشاتو پخپله جاج اخلم۔ دا شمېرې به په پالېسۍ سازۍ كښې مرستياله ثابتې شي٬د كورونا درېمې چپې مقابله كوو٬ځينې مالدار هېوادونه د كورونا په مهال نور هم مالداره شوي٬نړۍ له په دې اړه هم فكر پكار دے۔ د نهې په ورځ د پاكستان نېشنل هيومن ډوېلپمنټ رپورت د اجرا په مهال په خطاب كښې ده ووئيل چې د كورونا وبا څخه په ټوله نړۍ كښې د خذمت څانګه ځپلې شوې خو په پاكستان كښې دا څانګه ډېره ځپلې شوې ده۔ ده ووئيل چې په پاكستان كښې شوګر مافيا ډېره مضبوطه شوې٬په هغوي د طاقت او سياسي اثر و رسوخ په سبب تر اوسه چا هم لاس نه دې اچولې٬ زمونږ وړومبې حكومت دې چا چې دا كارټيل مات كړو او هغوي ته يې لاس ورواچولو۔ ده ووئيل چې د شوګر ملز د جوارۍ څخه د چينې پھ بيعو كښې اضافه شوې٬ د شوګر مافيا په ضد تحقيقات كولو سره كاروائي كولې شي۔ وزيراعظم ووئيل چې د كورونا وبا په مهال مونږ د هېواد په تاريخ كښې لويې احساس پروګرام پېل كړے مونږ د دې پروګرام له مخې 22 كروړ كسانو ته 8 اربه ډالر پیكج وركړے٬د دې په مقابله كښې امريكې د زرګونو څخه زيات لوي پیكج وركړی٬د كورونا وبا څخه غريب هېوادونه ځپلې شوي٬د دې وبا پھ مهال ځينې كسان مالداره شوي نړۍ له سوچ كول پكار دي چې دا دولت يوازې تر څو لاسونو محدود نه دې پكار۔ ده ووئيل چې غريب هېوادونو څخه د مني لانډرنګ د لارې 7 ټريلين ډالر امير هېوادونو ته منتقل شوي٬مالدار هېوادونه دولت په غېر قانوني توګه د منتقلۍ مخ نيوي كښې سنجيده نه دي۔ وزيراعظم ووئيل چې كله موڼږ په كال 2013 كښې د كے پي كے اقتدار سنبال كړو نو هلته ترهه ګري او غربت عام و. خلك د هلته څخه كډه كولو سره د اسلام آباد پشمول نورو سيمو ته روان وو٬ د خېبرپښتونخوا حكومت د غربت خاتمې پشمول مهم اقدامات پورته كړل او اوس د پرمختګ په منډه كښې كے پي كے د پنجاب برابر ده۔ ده ووئيل چې اولس د غربت څخه ويستل د حكومت وړومبې ترجيح ده٬حكومت د غريبو مسئلو ته خاص پام كوي٬مونږ له د غريب د ژوند معيار ښه كول دي٬ده ووئيل چې د احساس پروګرام دوهم پړاؤ كښې اوس شمېرې جمع كوو٬دې پړاؤ كښې په ښارونو او كلي والو سيمو كښې مېشته كسان افراط زر سره مخ دي هغوي ته به د خوراك نيغ په نيغه سبسډي وركولې شي٬د كورونا په سبب په ټوله نړۍ كښې د خوراك په بيعو كشې اضافه شوې٬مونږ به د ټولنې دې طبقې ته نيغه په نيغه سبسډي وركوو۔ وزيراعظم ووئيل كه روپۍ غېر مستحكم وي نو دې سره معيشت زيات ځپلې كېږي٬اوس زمونږ په هېواد كښې اشاريې مثبت راځي٬پھ ټوله نړۍ كښې سروس انډسټري د كورونا پھ سوب ځپلې شوې خو زمونږ سروس انډسټري زياته ځپلې شوې۔وزيراعظم د يو اېن ډي پي خذمات ستائېلو سره ووئېل چې رپورټ سره به د پرمختګ كوونكو هېوادونو مرسته وشي۔ ده ووئيل چې د دې سفارشاتو به پخپله جاج اخلم۔
