اسلام آباد 10 اپريل (اے پي پي) پاكستان د غېر قانوني مقبوضه كشمير په شوپيا سيمه كښې د جومات د بې حرمتې سخته غندنه كړې او وئيلي ئې دي چې دا پېښه د هندي ځواكونو د غېر انساني طرز عمل او د دوي د اخلاقي ديواليه كېدو عكاس ده. د خارجه دفتر وياند له مخې پاكستان د مقبوضه كشمير په شوپيا سيمه كښې په يو جومات كښې د درنې وسلې د ډزو او جومات ته د ګرنېډ غورځولو په سختو ټكو كښې غندنه كوي. وياند ووئيل چې د اپرېل په 9مه نېټه دا پېښه د جعلي چاپې او لټون كارروائې په مهال رامېنځ ته شوې. دا په مقبوضه منطقه كښې د كند د څرګندې رياستي ترهګرې يو بل ثبوت دے. د اولس مذهبي او كلتوري شناخت په نښه كول د نړيوالو قوانينو او د بنيادي بشري حقونو خلاف ورزي ده.
