لندن 27 ستمبر (اے پي پي)خارجه وزير شاه محمود قرېشي وئېلي دي د كشمير د مسئلې حل كولو نه بغېر په سوئېلي آسيا كښې د پوخ امن خوب نشي پوره كېدې۔ده دا خبرې دګل په ورځ په لندن كښې كشمير سره تعلق لرونكي مشرانو سره د ملاقات په مهال كړې دي۔خارجه وزير په مقبوضه جمو كشمير كښې د بشري حقونو څخه روانې سختې سرغړونې په ډاګه كولو او د كشميريانو د خپلواكۍ جائز حق ترلاسه كولو لپاره په موثر غږ پورته كولو په برتانيه كښې د پاكستانيانو كردار وستائېلو او هغه يې په مقبوضه كشمير كښې د هندي قابض ځواكونو لخوا د بشري حقونو او نړيوالو حقونو څخه د روانو سرغړونو نه خبر كړل۔ده كشميري مشرانو ته باور وركړو چې پاكستان به د كشميريانو د خپلواكۍ حق لپاره د دوي د هڅو مكمل سياسي٬اخلاقي او سفارتي ملاتړ روان ساتي۔ده ووئيل چې بايد نړۍ په دې پوهه شي چې تر څو د كشمير مسئله د ملګرو ملتونو د سلامتي كونسل د قراردادونو او د كشميريانو د هيلو له مخې نه وي حل شوې تر هغه وخت په سوئېلي آسيا كښې پوخ امن نه شي راتللې
