اسلام آباد 06 ستمبر (اے پي پي) په هېواد كښې د سېلاب ځپليو مرستې لپاره د نړۍ د بېلا بېلو هېوادونو او نړيوالو ادارو لخوا د مرستې د پروازونو پاكستان ته د راتګ لړې روانه ده او تر اوسه د ځپليو مرستې لپاره د نړۍ څخه 44 پروازونه پاكستان ته رارسېدلي دي. د خارجه دفتر وياند له مخې د نهې ورځې تر غرمې سېلاب ځپليو لپاره په مجموعي توګه د متحده عرب امارات څخه 16، د تركيې څخه 11 ، د چين څخه 4 ، د ازبكستان څخه يو، د قطر څخه درې، د فرانس څخه يو، د يونيسف دوه، د ملګرو ملتونو د كډوالو ادارې ﴿يو اېن اېچ سي آر﴾ 5 او د تركمانستان څخه يو پرواز پاكستان ته رارسېدلے دے.
