اسلام آباد 10 مئي (اے پي پي) د اطلاعات او خپرونو وفاقي وزيرې مريم اورنګزېب وئېلي دي عمران نيازي پرله پسې د آئين ماتولو مرتكب كېږي٬د تېرو څلورو كلونو په مهال د ناقص پالېسيو په وجه د زرعي غلې پیداوار متاثره شوے٬د چينۍ په برآمد بندېز لګولے شوے٬په هېواد كښې د طلب له مخې د چينو ذخيره موجود ده٬كابينه په هېواد كښې د لوډشېډنګ او د ضروري څيزونو د بيعې نه هم خبر كړې شوې۔د نهې په ورځ د وفاقي كابينې غونډې نه پس مېډيا د بريفنګ وركولو په مهال وفاقي وزيرې مريم اورنګزېب ووئيل د كابينې غونډه كښې وزيراعظم د سعودي او د يو اے اي دورې په اړه تفصيلات وركړي۔هغې ووئيل مونږ په وړومبي ځل دوست هېوادونو ته داسې ستراتېژېكي پلان سره تللې وو كوم چې يوازې د ګرانټ په بنياد نه ؤ بلكې د پاكستان اولس لپاره د پروژو٬روزګار او د رېليف په يو پوره وژن مشتمل دے ۔هغې ووئيل د اختر په ورځ د يو اے اي څخه د اقتصادي پوهانو پلاوې هم پاكستان ته راغلے و٬زمونږ اقتصادي او د توان ډلې په دې پروژو كار كوي٬اولس به خبر كړے شي چې كومې كومې پروژې به د سعودي او يو اے اي په همكارۍ ترسره كولې شي۔هغې ووئيل د توان وفاقي وزير كابينې ته په هېواد كښې د برېښنا لوډشېډنګ په اړه تفصيلي بريفنګ وركړے۔هغې ووئيل حكومت اولس ته رېليف وركول غواړي٬د تېرو څلورو كلونو په مهال د غنمو په كرونده كوم مراعات نه دي وركړے شوي٬په كال 2018م كښې د ډي اے پي بورۍ په 2600 روپۍ وه كومه چې اوس په 10 زره روپۍ ترلاسه كېږي٬كله چې غنم كرلې شو نو هغه وخت ډي اے پي نه وه۔هغې ووئيل په هېواد كښې د غنمو صورتحال تر مخه كابينې د درې ملين مېټرك ټنه غنمو راوړولو اجازه وركړی كومه به چې يوې خاص مودې لپاره وي۔هغې ووئيل چې كله په كال 2018م كښې د مسلم ليګ(ن)حكومت ختم شو نو هغه وخت مونږ غنم برآمد كول۔وزيراعظم د غذائي تحفظ وفاقي وزير ته هدايت كړے چې په سمدستي توګه دې داسې پلان جوړ كړے شي چې له مخې يې د غنمو پېداوار زيات شي او پاكستان غنم برآمد هم كړے شي۔هغې ووئيل كابينې د محمد مسعود د پاكستان آرډيننس فيكټرۍ د ممبر لګولو او د اېډمرل(ر)سلمان الياس د شپ يارډ انجينئرنګ وركس د ډائرېكټر په توګه د ټاكنې منظوري وركړې۔هغې ووئيل كابينې د 1974 د پاسپورټ ايكټ له مخې د يو نه د زيات غېر ملكي پاسپورټس منسوخ كولو منظوري هم وركړې۔د دې منسوخ كولو وروستۍ نېټه د دسمبر 31مه نېټه كال 2022م ټاكلې شوې۔دغسې كابينې د اقتصادي رابطه كمېټۍ د مئي په 9مه نېټه په غونډه كښې د شوو پريكړو توثيق هم كړے۔د رمضان پیكج له مخې د چينې او ووړو بيعې په ځاې ساتلې شوي۔هغې ووئيل كابينې منظوري وركړی چې د روژې د پېكج په بيعه دې د نورو څيزونو بيعې هم په ځاې وساتلې شي۔كابينې د پاكستان اولس ته د رېليف وركولو هدايت جاري كړي۔دغسې وفاقي كابينې د فواد اسد الله خان د آئي بي ډي جي لګولو هم منظوري وركړې او د واپډا چيئرمېن لېفټيننټ جنرل مزمل حسېن استعفٰی يې منظوره كړی۔د واپډا ممبر فنانس ته د چيئرمېن تر ټاكنې اضافي ذمه واري ورپغاړه كړی شوې۔د اطلاعات وفاقي وزيرې ووئيل د عمران خان لخوا په پنجاب كښې پرله پسې آئين ماتېږي٬د عمران خان د آئين په ماتولو كښې غنډه ګردي هم شامله ده۔د يوې پوښتنې په ځواب كښې هغې وئيل د مسلم ليګ(ن)خلق په نجي دوره خپل قائد نواز شريف سره ليدلو كتلو لپاره ځي٬په ګوندونو كښې د مشورې لړۍ روانه ده۔د يوې پوښتنې په ځواب كښې هغې ووئيل د اپرېل د درېمې نېټې نه تر يوولسمې د يو كس په حكم صدر٬سپيكر٬ډپټي سپيكر او د پنجاب ګورنر د آئيني اختيارات ناجائزه استعمال كړے او دا د پاكستان په آئين بريد دے۔دا به كله هم ونه زغملے شي۔په دې په كابينه كښې تفصيلي مشاورت شوے ۔هغې ووئېل د قانون وزارت ته هم وئېلي شوي چې د دې مخ نيوې وكړے شي چې دغسې په راتلونكي كښې څوك د آئين ماتولو جرات ونه كړي۔
