اسلام آباد 11 فروري (اے پي پي) د منصوبه بندې ، پرمختګ او خاص اقداماتو وفاقي وزير اسد عمر په مشرې كښې په پاكستان كښې د 14 ساٶتھ اېشين ګېمز-2023م په اړه د سټېرنګ كمېټې وړومبې غونډه وشوه. په غونډه كښې د بين الصوبائي رابطې وفاقي وزيرې ډاكټر فهميده مرزا، د پنجاب د لوبو وزير محمد تېمور خان، د پنجاب حكومت سېكرټري، د آئي پي سي سېكرټري، د پاكستان اولمپك اېسوسي اېشن صدر عارف حسېن، د پاكستان سپورټس بورډ ډائرېكټر جنرل او اړوند چارواكو ګډون وكړو. په غونډه كښې د پي او اے صدر كمېټې ته بريفنګ وركړو او وې وئيل چې وزيراعظم د 14م ساٶتھ اېشين ګېمز-2023م منظوري وركړې ده او پي او اے په دې لړ كښې يوه وركنګ كمېټي هم جوړه كړې ده. په غونډه كښې د ګېمز په چارو خبرې وشوې. وفاقي وزير اسد عمر ووئيل چې د لوبو په كوربتوب كښې دې د كراچې ښار هم شامل كړے شي. ده ووئيل چې لوبو سره امن پېغام ځي او دې سره به د پاكستان مثبت تشخص نړۍ ته وړاندې شي