اسلام آباد۔2فروری(اے پی پی) د سپریم کورټ آف پاکستان تر ټولو مشر جج جستس عمر عطا بندیال د چیف جسټس آف پاکستان په حېث سوګند پورته كړو۔ صدر مملكت ډاكټر عارف علوي له ده څخه سوګند واخست۔ د شورؤ په ورځ په ايوان صدر كښې د سوګند پورته كولو دستوره وشوه۔ په دستوره كښې د قومي اسمبلۍ سپيكر اسد قېصر ٬ دوهم سپيكر قاسم خان سوري ٬ وفاقي وزير چوهدري فواد حسېن ٬ خارجه وزير مخدوم شاه محمود قرېشي او د وفاقي وزير بېرسټر ډاكټر نسيم فروغ په شمول نورو وفاقي وزيرانو ٬ دوهم وزيرانو ٬ پارليماني غړو٬ د وكلاﺀ تنظيمونو عهدېدارانو او سول او پوځي چارواكو ګډون وكړو۔ چیف جسټس آف پاکستان جسټس ګلزار حسېن تېره ورځ د ملازمت خپلې مودې په ترسره كېدو خپل منصب څخه اخوا شوے وو۔ صدر مملکت ډاکټر عارف علوی دسپریم کورټ تر ټولو مشر جج جسټس عمر عطا بندیال چیف جسټس آف پاکستان غوره كړو۔
