لاهور 26 جنوري (اے پي پي)صدر ډاكټر عارف علوي وئېلي دي د ټول ټاكنو د التوا كوم جواز وړاندې كېدې نه شي٬دا آئيني ضرورت دے او باور لرم چې د پاكستان اولس٬اړوندې ادارې او منظم سياسي ګوندونه به د آئين ټاكلې مودې دننه د ټول ټاكنو كول باوري كړي۔د دې خيالاتو څرګندونه ده په ګورنر هاؤس كښې خبريالانو سره په خبرو كښې كړې۔ده ووئيل د پاكستان آئين اعلٰی او مقدس دے او دا نظر انداز كېدې نشي٬د آئين له مخې هر ډول غېر جانبداره صدر پاتې كېدل دي او د طرزعمل په اړه به په ټولو چارو كښې تل د آئين د روح پيروي كوم۔صدر ووئيل نګران حكومت له د ائين روح تر مخه غېر جانبداراي باوري كول دي ٬ بايد ټولو سياسي ګوندونو له په ټاكنو كښې د برخې اخستو يو ډول مېدان وركړے شي او ټاكنې سپيځلې٬منصفانه او غېر جانبداره طريقه باندې وكړی شي٬د نګران حكومت په قيام كښې د دې جذبې عكاسي پكار ده۔ده ووئيل دا د بدقسمتۍ خبره ده چې په سندھ كښې په شوو بلدياتي ټاكنو كښې په ګڼ شمېر نتيجو كښې تاخير شوے او هغه د ټېكنالوجي په خاص توګه د اليكټرانك ووټنګ مشينونو په استعمال زور راوړي دغسې چې آزادانه٬منصفانه او سپيځلې ټاكنې باور كړی شي۔صدر مملكت ووئيل ما سياسي او نورو اسټيك هولډرز ته بيا بيا وئېلي دي چې د سياسي او معاشي درجه حرارت كمولو سخت ضرورت دے كوم چې دا هيله ممكن ده كله چې ټول اسټيك هولډرز او اړوندې ادارې قام ته رامخې ته شوې سياسي پولرائزېشن٬معيشت او د ګرانۍ پشان په مهمو مسئلو متفق وي۔صدر مملكت ووئيل نړيوال اقتصادي صورتحال او زمونږ د خپلو كمزورو په نتيجه كښې سنګين معاشي صورتحال او ګراني زياته شوې او د آئي اېم اېف لخوا عائد كوونكي شرطونه د اولس په سماجي او اقتصادي خېرښېګړه لا فشار اچولې شي٬په دې تناظر كښې اولس تيارولو لپاره د يو مكمل مېنډېټ لرونكې حكومت ضرورت دے ۔ده ووئيل د ستونزو باوجود زه باور لرم پاكستان ډيفالټ كېدے نه شي او معيشت به بيا قوي شي۔صدر ووئيل موجوده وزيراعظم سره په وړومبي ملاقات هغه ته د اولس مفاد له د اقدامات مشوره ما وركړی وه چې پكښې برېښنا٬ګاز او د اوبو بچت شامل دے۔صدر ووئيل ايوان صدر په بشپړه توګه ماحول دوسته توان ته منتقل كړے شوے ٬ايوان صدر د 1 مېګاواټ سولر پاور پلانټ د لارې د ټول توان ضروريات پوره كوي٬د دې نه علاوه فاضل توان قامي ګرډ ته سپلائي كوي۔صدر ووئيل د پنجاب ګورنر سره د خبرو په مهال هغه ته وئيلې شوي چې په صوبه كښې د ټاكنو كولو په اړه د آئيند حدود نه بهر به كوم هم اقدام نشي كولې۔د يوې پوښتنې په ځواب كښې ده ووئيل زه په دې خبره باور لرم چې اسټېبلشمنټ د سياست څخه د جلا پاتې كېدو عزم څرګند كړے او ځكه په سياستدانو زور راوړو چې هغوي د دې موقعې څخه ګټه پورته كړي٬ذمه وارۍ دې سنبهالې كړي او به جمهوري ډول دې اولس ته رامخې ته شوې مسئلې حل كړي
