اسلام آباد 30 جولائي (اے پي پي) د كشمير٬ ګلګت بلتستان او سيفران وفاقي وزير انجينئر امير مقام د كوهاټ په دره آدم خېل سيمه كښې د سختو بارانونو له امله د سېلاب په اوبو كښې د يوې كورنۍ د 11 كسانو په مړينه د افسوس څرګندونه كړې ۔ د نهې په ورځ د غمرازۍ خپل پېغام كښې ده دعا وكړه چې لوي څښتن دې ارواښادو له د خپل رحم په پلو كښې ځاے او غمژنې كورنۍ له د زغم توفيق وركړي۔ وفاقي وزير په اړوندو محكمو زور رواړو چې ھغوي د طوفان او سېلاب په مهال د اولس د ځان او مال حفاظت باوري كړي۔
