اسلام آباد۔18اپرېل(اے پی پی) د افغانستان خارجه وزير محمد حنيف آتمر د اتوار په ورځ په دوبۍ كښې خپل پاكستاني همڅنګ مخدوم شاه محمود قرېشي سره ټېلېفوني تماس ونيولو۔ دواړو خارجه وزيرانو په افغان امن عمل كښې تر دې دمه په شوي پېش رفت د خيالاتو څرګندونه وكړه۔ خارجه وزير مخدوم شاه محمود قرېشي ووئيل پاکستان افغانستان سولييز او مستحكم جوړولو له د خپل مصالحانه مرستې روانې ساتلو عزم لري۔ هغه ووئيل يو سولييز او مستحكم افغانستان د پاكستان په ګټه دے۔ مونږ افغانستان كښې د تشدد پېښو كښې كمې ليدل غواړؤ۔ شاہ محمود قرېشی ووئيل پاكستان د افغانستان په شمول ګرده منطقه كښې امن په ځائې كولو له روانو هڅو كښې شراكتدار دے۔ خارجه وزير هيله ولرله افغانستان كښې د تل پاتي امن هڅو كښې به ’’ استنبول پراسس‘‘ د دوحه اېګریمنټ ګټور او نتيجه وركوؤنكې جوړولو كښې مرستيال ثابت شي۔ خارجه وزير مخدوم شاہ محمود قریشی په ټېلېفوني رابطه كولو د خپل افغان همڅنګ مننه وكړه۔ افغان خارجه وزير افغان امن عمل د نتيجې وړ جوړولو له د پاكستان د پرله پسې سفارتي ٬ سياسي او اخلاقي مرستې ستائنه كولو سره د خارجه وزير مخدوم شاه محمود قرېشي او د پاكستاني مشرتابه مننه وكړه۔ دواړه خارجه وزيران استنبول كښې ملاقات كولو ته صلاح شول۔ خارجه وزير خپل افغان همڅنګ ته د استنبول پراسس غونډې نه وروستو اسلام آباد ته د راتلو بلنه وركړه۔
