اسلام آباد 21 اپرېل (اے پي پي) د كورنيو چارو وزير شېخ رشيد احمد سره په پاكستان كښې د برتانيې سفير ډاكټر كرسچن ټرنر د شورو په ورځ ملاقات كړے. د كورنيو چارو وزارت لخوا جاري شوي بيان له مخې د ملاقات په مهال د پاكستان او برتايې د اړيكو پشمول د شريكې خوښې په چارو خبرې شوي . په دې موقع د كورنيو چارو وزير د ډيوك آف اېډم برګ پرنس فلپ په مړينه غمرازي ښكاره كړه. د ملاقات په مهال د دواړو هېوادونو ترمېنځه د مجرمانو د سپارلو د لوظنامو د پېشرفت جاج واخستلے شو او د پخواني وزيراعظم نواز شريف د ممكنه واپسې پشمول د پاكستان څخه برتانيې ته د كورونا په وجه د مسافرو په رېډ لسټ كښې د اچولو په معامله هم خبرې وشوې. ملاقات كښې د ملزمانو ستنولو او د مجرمانو د سپارلو لوظنامې په زر ترسره كولو اتفاق راغلے . د ملاقات په مهال د كورنيو چارو سېكرټري يوسف نسيم كهوكهر هم موجود ؤ
