نیویارک، اسلام آباد۔23ستمبر(اے پی پی) خارجه وزير مخدوم شاه محمود قرېشي وئيلي دي په افغانستان كښې انساني او اقتصادي بحران د نړیوالې ټولنې سمدستي پاملرنې غوښتنه کوي۔ د خارجه دفتر وياند لمخې د ملګرو ملتونو د عمومي اسمبلۍ 76 مې غونډې په مهال خارجه وزير د زيارت په ورځ د رېډ كراس نړيوالې كمېټۍ صدر پيټر مور سره ملاقات كښې وكړو۔ په دې مهال افغانستان كښې د انساني بحران او په نړيواله كچه د مرستې رسنې سره په اړوندو بېلو اړخونو د خيالاتو څرګندونه وشوه۔ هغه ووئيل پاكستان د كلونو راهيسې افغانستان كښې د رېډ كراس نړيوالې كمېټۍ روانو خذماتو اعتراف كوي۔ په افغانستان كښې انساني او اقتصادي بحران د نړیوالې ټولنې سمدستي پاملرنې غوښتنه کوي۔ شاہ محمود قریشی ووئيل د افغانستان مالي او انساني مرسته به نه يوازې دې بحران څخه وتلو كښې مرستياله وګرځي بلكې دا افغانانو كښې د باور رامخې ته كولو له يو غوره ګام هم كېدے شي۔ په افغانستان كښې زياتېدونكې لوږه او بې وزلي نظر كښې نيولو سره د افغانستان منجمد كړې شوې اثاثې پرانستل به د دوئي په وخت د مرستې كولو مترادف وي۔ هغه ووئيل پاكستان افغانستان سره په انساني بنيادونو د هوا او زمكې د لارې د مرستې مواد لېږلو لړۍ روانه ساتلې ده۔ خارجه وزير د رېډ كراس نړيوالې كمېټۍ صدر ته افغانستان كښې په انساني بنيادونو د مرستې رسنې له د پاكستان لخوا د هر ډول ممكنه مرستې باور وركړو۔
