اسلام آباد 28 ستمبر (اے پي پي) د خزاني وفاقي وزير شوکت ترین وئيلي دي د پاکستان او ترکیې ترمينځه اقتصادي مرستي زياتولو له ښې موقعي شته، حکومت معاشي بحالۍ لپاره يو ښه تعمیراتی پیکیج وركړے، د تركيې کمپنۍ دې په پاكستان كښې تعمیراتی صنعت كښې سرمايه كارۍ لپاره شريكو پروژو له ګام پورته كړي۔د دې خيالاتو څرګندونه ده د نهي په ورځ د تركيې سفير احسان مصطفیٰ یرداکل سره د ملاقات په مهال وكړه۔په دې موقع د خزاني وفاقي سيكرټري هم موجود ؤ۔د خزاني وزير ووئيل پاکستان او ترکیه څو كلونو راهسې نزدي سیاسي ، اقتصادي ، كلتوري او سماجی اړيكي لري۔د دواړه هېوادونو وګړي يو بل لپاره د ورورولۍ جذبات لري۔ده ووئيل كلتوري او تاريخي اړيكي د دواړه هېوادونو ترمينځه تجارتی او اقتصادی اړيكو لا قوي كولو لپاره يو بل له يو قوي بنياد وركوي۔د خزاني وزير د پاکستان او ترکیې ترمينځه د اقتصادی مرستي زياتولو په مهمو څانګو رڼا واچوله۔د تركيې سفیر په دې موقع پاکستان كښې په بيلو څانګو كښې د تركيې کاروباری ادارو په آپریشنز هم رڼا واچوله۔د تركيې سفیر د دې عزم څرګندونه وكړه چې د دواړه هېوادونو ترمينځه په شريكه توګه په ګوته كړو سيمو كښې اقتصادی مرسته لا قوي كولو له به موقعې لټولې شي۔ د خزاني وزير ووئيل د پاکستان اولس د تركيې وګړو لپاره مينه او ښه جذبه لري او د اولس ترمينځه رابطي د دوه اړخيزه اړيكو مهمه برخه ده
