پنډدادنخان 02 اكتوبر (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې نن د افغانستان، كشمير او فلسطين پشمول په نړيوالو معاملو زمونږ خبره په ټوله نړۍ كښې اورېدل كېږي، وزيراعظم عمران خان يوازې د پاكستان نه بلكې هغه د دې منطقې او ټول اسلامي امت ليډر دے، زمونږ ښه قسمت دے چې پاكستان ته په مشكل وخت كښې داسې يو ليډر په لاس راغلے كوم چې په قومي او نړيوال سياست كښې يو ځانګړے مقام لري، په افغانستان كښې د پاكستان مثبت كردار د ټولې نړۍ په وړاندې دے، بايد په پاكستان كښې مونږ ټول پام امنيت او معيشت ته وكړي، د لله څخه تر جهلم سړك جوړېدو سره به په سيمه كښې د پرمختګ نوے دور پېل شي. ده دا خبرې د خالي په ورځ په پنډدادنخان كښې د 10 بلين ټري سونامي پروګرام له مخې د ونو نال كولو د كمپائن پرانستې دستورې ته په خپله وېنا كښې وكړې. په دې موقع د اطلاعاتو وفاقي وزير بوټې نال كولو سره په سيمه كښې د ونو نال كولو د كمپائن پرانسته وكړه. په خپله وېنا كښې د اطلاعاتو وفاقي وزير ووئيل چې د جهلم ضلع د وزيراعظم د بلين ټري سونامي په اهدافو كښې په ټول پنجاب كښې تر ټولو وړاندې ده او په دې د ځنګلاتو محكمې ته مباركي وركوم. ده ووئيل چې په جهلم كښې تر اوسه 75 لكه ونې نال كړې شوې دي. ده ووئيل چې د افغان جنګ په پاكستان ژور آغېز شوے، په دې جنګ كښې زمونږ د زرګونو په شمېر ځوانانو قربانې وركړې دي. ده ووئيل چې په افغانستان كښې د هند د كارروائيو خاتمه شوې ده، نن افغانستان د امن په پلو روان دے. ده ووئيل چې وزيراعظم په دې خبره د اول نه ټينګار كړے چې په افغانستان كښې د پوځي حل د لارې امن نه شي راتللې. ده ووئيل چې په كال 2007م كښې پاكستان نړۍ ته وئيلي وو چې په افغانستان كښې د طالبانو د حكومت او القاعده په ضد د كارروائي نه د خبرو وخت دے. په كال 2011م كښې پاكستان يو ځل بيا نړۍ پوهه كړه چې په افغانستان كښې مذاكرات غوره حل دے. په كال 2018م كښې چې كله عمران خان اقتدار ته راغلو نو ده د افغانستان مسئله د خبرو د لارې په حل كولو ټينګار وكړو خو امريكې زمونږ په خبره ځان پوهه كولو كښې تاخير وكړو. د اطلاعاتو وفاقي وزير ووئيل چې كه نن د افغانستان څخه د امريكې عسكر ستانه شوي دي او هلته يو څاڅكې وينه نه ده توئ شوے، نو د دې كرېډټ د پاكستان عسكري او سياسي مشرانو ته ځي. ده ووئيل چې مونږ يره لرله چې د افغانستان څخه به د زرګونو په شمېر كډوال پاكستان ته راشي ځكه چې زمونږ معيشت دومره قوي نه و، كه نور كډوال راغلي وو نو زمونږ معيشت به د دوي بوج نه وو زغملې. ده ووئيل چې د پاكستان د كردار په وجه په افغانستان كښې سوله ايز بدلون راغلو. ده ووئيل چې په افغانستان كښې ډېر كاميابې ترلاسه كړې شوې دي، په كومه طريقه چې د هغه ځائ څخه هند لرې كړې شوې، د دې نه پس ضروري ده چې هغه خلق بېرته راولو كوم چې د امن په پلو تلل غواړي چې دغسې په هېواد كښې امن قوي شي. ده ووئيل چې وزيراعظم كومه اېجنډا وړاندې كړې، عملي كولو سره به ئې مونږ د هغو ډلو په قومي چوكاټ كښې د شاملولو مرسته وكړو كوم چې د پاكستان آئين او قانون ومني او پاكستان سره وفاداري وكړي. ده ووئيل چې پاكستان لوئې قربانې وركړې دي، مونږ د زرګونو په شمېر شهادتونه وركړي دي، د دې جګړې خاتمه كول دي چې دغسې زمونږ معيشت د استحكام په پلو لاړ شي. د اطلاعاتو وفاقي وزير ووئيل چې مونږ چې د پنډدادنخان د پرمختګ چې كوم لوظونه كړي وو، هغه پوره كوو، ده ووئيل چې په دې سيمه كښې يو شمېر پروژې پېل كړې شوې دي او د ګڼ شمېر پروژو پېل كولو تجويزونه لرو. ده ووئيل چې د پاكستان تحريك انصاف حكومت د اولس په خدمت باور لري، د اولس خېر ښېګړې لپاره اقدامات كولې شي. راتلونكو پنځو كلونو لپاره به هم عمران خان حكومت جوړوي.
