كراچې 02 اكتوبر (اے پي پي) د كورنيو چارو وفاقي وزير شېخ رشيد احمد وئيلي دي چې نړيواله منظرنامه بدلېږي، پاكستان د وزيراعظم عمران خان په مشرې كښې تاريخي كردار ترسره كوونكې دے، د ټي ټي پي ځينې ډلو سره اوس لا خبرې پېل شوې دي، د پاكستان دښمنان به په ګوټ ګوټ كښې له مېنځه وړو او ترهګري به ختموو، د نړۍ كوم سپر پاور مونږ نه شي بائي پاس كولې، مونږ عظيم پوځ او عظيمه انټيلي جنس اداره لرو، مونږ ته معلومه ده چې څوك ښه او څوك بد دي، زمونږ پلان يو دوه كلونو لپاره نه بلكې د 20 كلونو دے، پاكستان به محفوظ وي او پرمختګ به كوي. ده دا خبرې د خالي په ورځ د كراچې په هوائي اډه خبريالانو سره په خپلو خبرو كښې وكړې. ټي ټي پي سره د مذاكراتو په اړه د يوې پوښتنې په ځواب كښې ده ووئيل چې د ټي ټي پي ځينې ډلو سره په لوړه كچه خبرې كېږي، مونږ به خپله خاوره د كوم بل چا په ضد كارولو ته ورنه كړو، كه هند هم د كشمير د خاص حيثيت ختمولو د پرېكړې نه په شا شي ، نو هند سره هم د كشمير پشمول په ټولو ستونزو خبرو ته تيار يو. وفاقي وزير ووئيل چې مونږ هر يو هېواد سره ښې اړيكې غواړو، چې كوم خلق وسله وغورځوي، د هغوي په ضد جګړه جائز نه ده، مونږ چين او امريكې دواړو سره ښې اړيكې غواړو، مونږ نړۍ سره هم ولاړ يو او په هر ډول انساني بحران كښې به د افغانستان مرسته هم كوو، ده ووئيل چې په منطقه كښې د پاكستان كوم كردار دے او دا څومره مهم دے، دا د هند د څېرې نه څرګندېږي. د يو پوښتنې په ځواب كښې ده ووئيل چې د ګرانې تر ټولو زيات فكر وزيراعظم عمران خان سره دے ځكه چې راتلونكې ټاكنې خلقو ته د وزيراعظم په مشرې كښې كول دي.
