اسلام آباد 12اکتوبر (اے پی پی)وزيراعظم عمران خان وئېلي دي د صحت٬احساس او كسان كارډز ته حكومت اول پام لرنه كوي٬د حكومت صحت كارډ نه يوازې په پاكستان بلكې په ټوله نړۍ كښې اولس ته د روغتيا مكمل آسانۍ وړيا وركولو په اړه يو ځانګړې اقدام دے۔د نهې په ورځ د وزيراعظم عمران خان په مشرۍ كښې د كسان٬صحت او احساس كارډ د پرمختګ په اړه د اعلٰی پاې غونډه وشوه۔په غونډه كښې په خېبرپښتونخوا او د پنجاب په ساهيوال او ډېره غازي خان ډويژن كښې د روغتيا كارډز وېشلو او د دې د لارې خلكو ته د صحت آسانيو په اړه تفصيلي بريفنګ وركړے شو۔په دې موقع وزيراعظم د صحت٬كسان او احساس كارډ د وېش او په دې لړ كښې د انتظامات زر تر زره د تر سره كولو سپارښتنه وكړه ۔په غونډه كښې د وزيراعظم خاص مرستيالو ډاكټر ثانيه نشتر٬ډاكټر فيصل سلطان٬جمشيد اقبال چيمه او اړوند اعلٰی چارواكو ګډون وكړو۔په غونډه كښې د خېبرپښتونخوا او پنجاب اعلٰی وزيرانو ٬ چيف سېكرټريز د وېډيو لنك د لارې ګډون وكړو۔وزيراعظم ووئيل وروستو پاتې طبقې ته به د صحت او احساس كارډ په توګه يو لويې رېليف وركړو٬په پنجاب او خېبرپښتونخوا كښې په دې لړ كښې د خاص سېل جوړولو سره په تندۍ سره كار روان دے۔ده ووئيل د لاهور نه پس به په ټول پنجاب كښې د صحت كارډز وېشلې شي
