اسلام آباد 24 دسمبر (اے پی پی) د كورنيو چارو وفاقی وزیر شیخ رشید احمد وئيلې دي مينځني ختيز ته تلونكو ټولو خوارې كښو له به د 01 جنوري څخه د 05 كلونو په ځاے د 10 كلونو لپاره پاسپورټ جاري كولے شي، يو څو مياشتو كښې به نوے او جدید ای پاسپورټ وركول پېل شي دغسې 120 ورځو كښې به ایكسپریس پاسپورټ هم جاري كړے شي، ای سی ایل او بلیك لسټ به محدود كولے شي، د مولانا فضل الرحمن پشمول 20 كسانو ته امنيتي خطرات شته ۔مولانا فضل الرحمن ټولو وړاندې كړے،هيله لرو پیپلز پارټي په ښه ډول كار وكړي، مولانا اړے ګړے راجوړول او د مدرسو طاقت به اسلام آباد كښې استعمالول غواړي، سېنېټ ټاكنو څخه وړاندې به اپوزیشن استعفاګاني نه وركوي۔ د دې خیالاتو څرګندونه ده د زيارت په ورځ د ډائریكټو ریټ آف امیګریشن اینډ پاسپورټ دورې بریفنګ نه پس ميډيا سره په خپلو خبرو كښې وكړه۔ د كورنيو چارو وزير ووئيل د امیګریشن اینډ پاسپورټ ځينې افسران د كلونو راهسې په بهر هېوادونو كښې ناست دي، هغوي به بيرته راوستلے شي۔ په دې لړ كښې احكامات جاري شوي۔ده ووئيل مينځني ختيز ته تلونكې خوارې كښ د پاسپورټ او ویزا معیاد ختميدو په وجه ستونزو سره مخ كيږي۔ مونږ پريكړه كړې چې په 30 زره روپۍ فیس به هغوي له د 10 كلونو پاسپورټ وركولے شي دغسې چې هغوي بيا بيا پاسپورټ نوې كولو په اړه ستونزو سره نه مخ كيږي۔د كورنيو چارو وزير ووئيل 28 اپریل څخه به نوے او جدید ای پاسپورټ لانچ كړے شي چې پكښې به ټوله ډيټا وي۔ دې سره به د پاكستان پاسپورټ قدر زيات شي۔ د 01 جنوری څخه به ټوله نړۍ كښې په 191 هېوادونو كښې ای سروس پيل شي۔نن څخه به اېس اېم اېس سروس پيل كړے شي دغسې چې د پاسپورټ موده ختميدو نه وړاندې وګړي په وخت پاسپورټ نوے كړي۔ ده ووئيل آن لائن پاسپورټ سروس كښې وخت ته اړټيا ده۔په دې لړ كښې اقدامات كوو۔ده خبر دارے وركړو چې سمګل شوي پټرولیم مصنوعات خرڅونكې دې په 7 ورځو كښې دا سلسله بنده كړي،كه داسې ونه شوه نو پمپ به بندولے شي۔ده ووئيل 120 ورځو كښې به ایكسپریس پاسپورټ جاري كولے شي چې د لارې به ئې په يوه ورځ كښې پاسپورټ ترلاسه كيدے شي۔ ده ووئېل د پاسپورټس هوم ډلیوری په اسلام آباد كښې كيږي۔ پينډۍ كښې به په وړومبي ځل دغسې كوو۔د يوې پوښتنې په ځواب ده ووئيل په اقتصادی راهدرۍ كار روان كونكو د چينائي وګړو ویزا جاري كولو نظام به ښه كولے شي۔ ای سی ایل په اړه د يوې پوښتنې په ځواب ده ووئيل كابینې زما په مشرۍ كښې څلور كسيزه كمېټی جوړه كړې ، دا مهال د اېف آئی اے بلیك لسټ كښې 66 زره او امیګریشن او پاسپورټ لسټ كښې 44 زره نامې موجود دي۔ ما سپارښتنه كړې چې دا فهرست دې محدود كړے شي او يواځې سنګین جرائم او د ریاست مخالفو هلو ځلو كښې ككړ كسان دې په دې فهرست كښې وساتلے شي۔ده ووئيل كنټریكټ ملازمین به مستقل كولے شي۔ د امیګریشن اینډ پاسپورټ معاشی صورتحال خراب دے ځكه چې د 6 ، 6 اربه په ځاے 2،2 اربه روپغ بجټ ترلاسه شوے۔دا صورتحال به ښه كولے شي۔ امیګریشن اینډ پاسپورټ لپاره فنډنګ ته اړتيا ده۔ د مولانا فضل الرحمن امنيت په اړه د يوې پوښتنې په ځواب ده ووئيل د مولانا فضل الرحمن نه امنيت بيرته نه دے اخستے شوے۔ د 20 كسانو په فهرست كښې د هغه نامه د ټولو نه اول ده۔زما كار د هغه خبرول دي كوم چې ما كړے۔د كورنيو چارو وزير ووئيل مولانا فضل الرحمن انتشار غواړي او د مدرسو طاقت اسلام آباد كښې استعمالول غواړي۔هغه ته خواست كوم چې په خپل ځان او جمهوریت او په هېواد رحم وكړي۔ د سیاسی كاركن به حیثیت زما دا تجربه ده چې مولانا ټولو وړاندې كړے خو هيله لرم چې پیپلز پارټي به ښه كار وكړي او اپوزیشن به د سېنېټ ټاكنو څخه وړاندې استعفيٰ ورنه كړي۔ده ووئيل وزیراعظم د پی ډی اېم هر كلي په اړه ما ته كوم احكامات نه دي راكړي۔ دا زما سیاسی تجزیه ده چې اوس هم پی ډی اېم استعفاګانې به نه وركوي او اپوزیشن به د سېنېټ ټاكنو كښې برخه اخلي۔د يوې پوښتنې په ځواب ده ووئيل ایم كیو ایم زمونږ اتحادی ګوند دے ، هغه به نه مروريږي۔يو څو ورځو كښې كراچۍ ته ځم نو نائن زیرو ته به هم ورځم۔
