اسلام آباد 29 جنوري (اے پي پي) د پارلماني چارو وزير مملكت علي محمد خان وئيلي دي نېب د تېرو لسو كلونو په مهال د بدعنوانه عناصرو څخه 481 اربه روپې وصول كړي، نېب د ن ليګ او پيپلز پارټۍ په 8 كلونو كښې يوازې 91 اربه روپې او د تحريك انصاف په دوو كلونو كښې 390 اربه روپې وصول كړي، بايد پلې بارګين ختم شي. د جمعې په ورځ د سېنېټ په غونډه كښې د پوښتنو دمې په مهال د سېنېټر ذيشان خانزاده، جاوېد عباسي او عثمان خان كاكړ د پوښتنو په ځواب كښې د پارلماني چارو وزير مملكت علي محمد خان ووئيل اوسني حكومت د نېب په معاملو كښې مداخله ختمه كړې او د بدعنوانه عناصرو څخه په وصولې كښې نېب آزاد دے. ده ووئيل نېب د كال 2011م نه تر اكتوبر كال 2020م 481 اربه روپې وصول كړي. ده ووئيل نېب د ن ليګ او پيپلز پارټۍ په 8 كلونو كښې يوازې 91 اربه روپې او د تحريك انصاف په دوو كلونو كښې 390 اربه روپې ترلاسه كړي، بايد پلې بارګين ختم شي
