ملتان 02 جنوری (اے پی پی) خارجه وزير شاه محمود قريشي وئيلي دي چې څوك چې په خپله محتجاج وي هغه به احتجاج څه وكړي، قوم ته د پي ډي اېم حقيقت معلوم شوے. په لاهور كښې د پي ډي اېم مشرانو په خبري كانفرنس خپل غبرګون ښودلو سره په يو بيان كښې خارجه وزير ووئيل چې پي ډي اېم د جنورې د 31مې نېټې انتظار ولې كوي، مونږ به د دوي په وېنا يا د دوي په فشار استعفٰي ورنه كړو. مونږ د اولس مېنډېټ لرو، وزيراعظم عمران خان د ايوان اعتماد لري، هغه د اپوزيشن په وېنا ولې استعفٰي وركړي؟ په حقيقت كښې د پي ډي اېم بيانيې د اولس دلچسپي د لاسه وركړې. پرون په لاهور كښې د پي ډي اېم د مشرانو پنځه نيم ساعته اوږده غونډه بې نتيجې پاې ته ورسېده. دوي د پيپلز ګوند د سنټرل اېګزېكټو كمېټې په غونډه كښې د شويو پرېكړو توثيق وكړو او اعلان ئې وكړو چې د پيپلز ګوند پشان به دوي هم په ضمني ټاكنو كښې برخه اخلي. شاه محمود قريشي ووئيل چې دوي وائي چې د سېنېټ په ټاكنو كښې به د ګډون كولو پرېكړه په وخت راتللو كوي، خو زه نن وايم چې دوي به د سېنېټ په ټاكنو كښې هم برخه اخلي. ادارو تل د آئين او قانون له مخې خپلې ذمه وارې ترسره كړې دي، په ادارو مبله اچولو سره به هېڅ ونه شي. ټول قوم ته د پي ډي اېم حقيقت معلوم شوے.
