اسلام آباد۔5 جنوری(اے پی پی) پاکستان سری نګر كښې د درې كشميري ځوانانو د قابض هندي پوځ په لاس د بې ګناه وژل كېدو پېښې په سختۍ سره غندنه كولو سره په هند زور راوړے دے چې هغه د درې كشميري مزدورانو مړي په باضابطه توګه دفن كولو له وارثانو ته وسپاري۔ د نهې په ورځ د خارجه دفتر وياند له مخې د شهيد شويو كشميري ځوانانو اعجاز احمد ګھانئی، زبېر احمد لون او اطهر مشتاق وانی كورنيو او ګاونډيانو ددې خبرې تصديق كړے دے چې دغه ځوانان بې قصوره وو۔ وياند ووئيل دا لوئے ظلم او غېر انساني سلوك دے چې وارثانو ته د بار بار غوښتلو باوجود د وژلې شويو ځوانانو مړي سپارلې نه شي۔ وياند ووئيل د هندي حكومت لخوا د شهيد شويو ځوانانو مړي وارثانو ته له سپارلو انكار د نړيوال ضمير لړزولو له كافي دے۔ بلخوا پاكستان يو وارې بيا د قابض هندي پوځ لخوا د كشميريانو د بې ګناه شهيد كولو پلټنيو او ددې ناوړه جرمونو ارتكاب كوؤنكو وګړو انصاف سره مخ كولو له په نړيواله كچه د پلټنو مطالبه كړې ده۔
