اسلام آباد۔23جون(اے پی پی) د هند په غېر قانوني توګه قبضه كړې شوي جموں وكشمير كښې كشميري مېرمنې د هندي عسكرو ٬ پوليس اهلكارو او د زمانې بدنامو تحقيقاتي ادارو لخوا پرله پسې ظلم او جبر سره مخ دي۔ د كشمير ميډيا سروس ريسرچ سېكشن لخوا د كونډو د نړيوالې ورځې په موقعه جاري كړې شوي يو رپورټ كښې وئيلې شوي دي چې د هندي رياستي ترهګرۍ د لاسه د كال 1989 جنورۍ مياشتې څخه تر دې دمه 22 زره 960 کشمیری مېرمنې كونډې شوي دي ولې چې د دوئي خاوندان هندي عسكرو او پوليس اهلكارو په جعلي مقابلو كښې شهيدان كړې دي۔ رپورټ كښې وئيلې شوي دي چې هندي عسكرو او پوليس اهلكارو د تېرو 35 كلونو په مهال نزدې د 25 سوه مېرمنو خاوندان ګرفتار كولو څخه وروستو د حراست په مهال بې دركه كړې دي كومو ته چې د نيمو كونډو نامه وركړې شوې ده۔ د رپورټ له مخې 1989 څخه تر دې دمه 8 زره نه زيات كشميري وګړي ګرفتارولو څخه وروستو بې دركه كړې شوي دي۔ رپورټ كښې دا هم وئيلې شوي دي چې جنوری 2001 څخه تر دې دمه 683 مېرمنې عسكرو شهيد كړي دي۔ د يو تحقيق له مخې په مقبوضه جموں وكشمير كښې نفسياتي رنځونو سره مخ كشميري وګړو كښې 60 فيصده څخه زياتې كشميري مېرمنې دي۔ آسيه اندرابی ، فهمیدہ صوفی ،ناهیدہ نسرین ، زمردہ حبیب او د یاسمین راجه په شمول ګڼ شمېرې مېرمنې تحريك آزادۍ سره د تړلو لرلو دلاسه د مقبوضه جموں وكشمير په زندانونو كښې نظر بند دي۔ د كونډو نړيواله ورځ نړۍ ته غږ دے چې هغه دې د كشميري كونډو او نيمو كونډو د ناوړه حالت احساس وكړي۔ دا ورځ كشميري مېرمنو ته د پېښو مسئلو او ستونزو په اړه په نړيواله كچه د شعور بېدارولو ورځ ده۔ نړۍ له به دوئي ته پېښې ستونزې ياد ساتل وي۔ په دې مهال د بشري حقونو په غېر قانوني توګه نظر بند غړو محمد احسن اونتو او ډاكټر طاهره مير خپلو بيانونو كښې وئيلې چې کشمیری مېرمنې د هند ناوړه رياستي ترهګرۍ سره مخ دي۔ د زرګونو په شمېر مېرمنو خپل خاوندان ٬ ورونړا او ځامن لا لاسه وركړې دي ولې چې هغه هندي عسكرو شهيد كړې يا د حراست په مهال بې دركه كړې دي۔ د تېرو درې كلونو په مهال د كشميري مېرمنو په ستونزو كښې څو چنده اضافه شوې ده ولې چې د قابض ځواكونو لخوا دوئي ته د عزيزانو مړي سپارلې نه شي
