اسلام آباد 23 اکتوبر (اے پي پي) لنډمهاله وزيراعظم انوار الحق کاکړ وئيلي دي چې منطقه شريكو چېلنجونو سره مخ ده چې د دې مخنيوي لپاره د اجتماعي پرمختګ او سوكالۍ موقعې پېدا كولو ته اړتيا ده٬ پاكستان د اقتصادي مرستې تنظيم (اي سي او) هر غړي هېواد سره دوه اړخيزه اړيكې لا قوي كولو كښې خوښي لري۔ د ګل په ورځ د وزيراعظم آفس ميډيا ونګ لخوا د جاري بيان له مخې وزيراعظم انوار الحق کاکړ په وزيراعظم هاؤس كښې د اقتصادي تعاون تنظيم غړو هېوادونو سفيرانو سره ملاقات وكړو۔ وزيراعظم سيمه ايز پرمختګ لپاره د اي سي سي اهميت رامخې ته كړو۔ ده ووئيل د اي سي سي غړي هېوادونو تاريخ او كلتور مشترك دے،منطقه شريكو چېلنجونو سره مخ ده چې د دې مخنيوي لپاره د اجتماعي پرمختګ او سوكالۍ موقعې پېدا كولو ته اړتيا ده٬ په دې لړ كښې وزيراعظم رابطو، تجارت، توان او په اقتصادي مرسته رڼا واچوله۔ د اي سي او په اهميت زور رواړولو سره وزيراعظم ووئيل پاكستان د اقتصادي مرستې تنظيم (اي سي او) هر غړي هېواد سره دوه اړخيزه اړيكې لا قوي كولو كښې خوښي لري۔ ده ووئيل زه په اتم او نهم نومبر كال 2023 په تاشقند، ازبکستان كښې د اي سي او د مشرانو په 16مه عونډه كښې د غړو هېوادونو مشرانو سره خپلو ملاقاتونو ته لېواله يم٬ سفيرانو په دې پاكستان سره قوي اړيكې جوړولو لپاره د خپلو هېوادونو د خواهش او د اي سي او وژن او مقاصدو لپاره د خپل اجتماعي عزم پخلے وكړو
