اسلام آباد 20 اګست (اے پي پي) خارجه وزير مخدوم شاه محمود قرېشي وئيلي نړيواله ورورولي په دې كښې خوښي لري چې ټول افغان مشران دې په ګډه مشاورت سره ټولو له د قبلولو وړ بشپړه سياسي ډهانچه جوړه كړي، ټول په افغانستان كښې امن او استحكام غواړي٬ پاكستان د خپل مثبت كردار ادا كولو عزم لري۔ د جمعې په ورځ د افغانستان په روانه وضعه خپل بيان كښې خارجه وزير ووئيل د افغانستان په بدلېدونكې وضع ټول نظر لري٬ ټول په افغانستان كښې امن او استحكام غواړي٬ څوك خونړې جنګ نه غواړي٬ ټول غواړي چې په افغانستان كښې مشاورت سره يو داسې بشپړه سياسي ډهانچه جوړه شي چې پكښې ټول شامل وي او ټولو لپاره د قبلېدو وړ هم وي دغسې چې چارې د معمول له مخې روانې شي۔ ده ووئيل افغانستان څخه د سوله ايزې انخلاء پلوي يو٬ پاكستان د خپل مثبت كردار لوبولو عزم لري٬ کابل كښې زمونږ سفير هم بېلا بېلو شخصياتو سره رابطې كوي۔ ده ووئيل مونږ د دې خبرې هم احساس لرو چې ځينې امن دښمن قوتونه د “سپائيلرز” کردار لوبولو لپاره فعاله دي٬ دا د افغان مشرانو د فهم و فراست امتحان دے٬ چې ھغوي د دې چېلنجونو څنګه لاره نيسي۔ شاه محمود قرېشي ووئيل افغانان امن غواړي۔ ده ووئيل نړۍ دې ته سترګې نيولې دي چې طالبان څه وائي آيا په ھغې به عمل كوي؟ خارجه وزير شاه محمود قرېشي ووئيل څوك چې په افغانستان كښې امن نه غواړي ھغوي د افغانانو بهتري نه غواړي، مونږ د افغانستان بهتري غواړو۔ ده ووئيل د پولو په صورتحال ټولو ګاٶنډي هېوادونو ته په ګډه فكر پكار دے۔ شاه محمود قرېشي ووئيل په راتلونكو څو ورځو كښې د ګاٶنډي هېوادونو د دورې كولو اراده لرو٬ دغسې چې مشاورت سره يوه بشپړه لائحه جوړه كړې شي۔ ده ووئيل د ماضي غلطو څخه زده كړه پكار ده ٬ مونږ نه غواړو چې د 90 د لسيزې غلطۍ بيا وكړې شي٬ زمونږ مقصد د افغانستان بهتري ده او مونږ به دې مقصد لپاره هڅې كوٶ
