اسلام آباد 04 نومبر (اے پي پي) د اطلاعات او خپرونو وفاقي وزير چوهدري فواد حسېن وئيلي دي چې د مېرمنو په معاشي هلو ځلو كښې د ګډون نه غېر هېواد پرمختګ نشي كولې ٬ د كليوالو سيمو په نسبت په ښاريو كښې د ګرانۍ مسئله زياته ده٬ 1100 اربه روپۍ په رورل اكانومي كښې منتقل شوې دي چې په سبب ئې نن كليوال خلق زياته سوكاله دي، د ګرانې مقابلې لپاره به مونږ له خپل آمدن زياتول وي۔ د دې خيالاتو څرګندونه ده د زيارت په ورځ د فنكا مائيكرو فنانس بېنك تر سېوري لاندې دستورې ته خپلې وېنا كښې وكړه ۔ وفاقي وزير ووئيل مېرمنې زمونږ د آبادۍ 50 فيصده دي٬ كه د آبادۍ يوه لويه برخه كار نه كوي نو هېواد مخ په وړاندې نشي تللې۔ ده ووئيل مونږ له به په معاشي هلو ځلو كښې مېرمنې شريكول وي، هله به دا هېواد پرمختګ كوي۔ چوهدري فواد حسېن ووئيل هنرمندې او لوستلې مېرمنې خپلې كمپنۍ جوړولې شي، دوي لپاره د فنانس سهولت ترلاسه دې ، حكومت هم په يو شمېر پروګرامونو كښې د مېرمنو مالي اعانت كوي۔ ده ووئيل په نوي احساس پروګرام كښې تر 5 لكه روپو قرضې وركولې شي، مېرمنې دې خپل كاروبار پېل كړي٬ چې كاروبار وي نو د روزګار موقعې به هم رامخې ته كېږي ۔ ده ووئيل وزيراعظم چې كوم ريليف پېكيج وركړې د ھغې مقصد د 31 زره روپو څخه د كم آمدن كسانو ته اوړه٬ دالونه او غړي په 30 فيصده سبسډي وركول دي۔ چوهدري فواد حسېن ووئيل آمدن كمېدو سره به د ګرانۍ مسئلې حل او په نړيواله كچه د تېلو بيعه ټيټه نشي، دې لپاره د ګرانۍ مقابلې لپاره به مونږ له خپل آمدن زياتول وي۔
