ملتان 04 دسمبر(اے پي پي) خارجه وزير شاه محمود قريشي وئيلي دي چې اپوزيشن چې څومره غواړي شور دې وكړي، لوټ كوونكو ته به د لوټ كړې شوي دولت حساب وركول وي، حكومت د پي ډي اېم د ناكامو غونډو څخه نه يرېږي، دوي به په يو صورت هم اېن آر او ترلاسه نه كړي، مونږ د اولس ژوند محفوظ كول غواړو، په اوسنيو حالاتو كښې د سياسي غونډو پشمول كومه هم لويه اجتماع به د كورونا په اړه خطرناكه وي. ده دا خبرې د ګوند ځائي مشرانو سره د ملاقات په مهال په خپلو خبرو كښې وكړې. ده ووئيل چې د اپوزيشن لخوا د كورونا فكر نه كول د سخت زيان سبب جوړېدے شي، بايد د كورونا په معامله سياست ونه ٍكړے شي. اپوزيشن ګوندونه دې په جلسو نظرثاني وكړي. ده ووئيل چې كله كورونا ختم شي ، بيا چې دوي څومره غواړي، غونډې دې وكړي، مونږ به په دې كوم اعتراض نه لرو ، خو نن سبا دې د غونډو نه ډډه وكړې شي. ده ووئيل چې سياسي نه قومي مفاداتو ته ترجيح وركړې شي ګني په هېواد كښې د كورونا خپرېدو ذمه وار به اپوزيشن هم وي.
