اسلام آباد 05 فروري(اے پي پي) شاه محمود قرېشي وئېلي دي چې هر كال د فرورۍ په پنځمه نېټه مونږ د مقبوضه جمو كشمير اولس سره د يو والي د څرګندونې پخلې كوو٬ټول پاكستانې قوم د خپلواكھ جائز حق ترلاسه كولو لپاره د كشميري اولس په هڅو كښې كشميريان سره ولاړ دې۔د جمعې پھ ورځ د كشمير يو والي ورځې په موقع خارجه وزير په خپل پېغام كښې ووئيل چې د تېرو 18 مياشتو راهيسې مقبوضه كشمير پرله پسې د هندي پوځ په محاصره كښې دې۔كشميريان په عملي توګه په خپلو كورونو كښې بند دي٬مېډيا سختو بندېزونو سره مخ ده٬ټول سياسي مشران قيد كړی شوي دي۔د هندي پوځ لخوا كور په كور د لټون او جعلي مقابلو لړۍ روانه ساتلې شوې۔ده ووئيل چې د هندو توا نظريې نه پس د آر اېس اېس بي جي پي حكومت د مقبوضه سيمې آبادي بدلول او د كشميريانو شناخت ختمول غواړي۔ده ووئيل چې پاكستان د نړيوالې ټولنې څخه غوښتنه كوي چې هند دې د كشميري اولس په ضد د بشري حقونو څخه سرغړونو او جرائمو لپاره ذمه وار وګرځوي۔پاكستان د خپلو كشميري وروڼو او خوئېندو د ملاتړ پخلې كوي۔دا يو والې به تر هغه وخت روان وي تر څو چې د كشمير اولس د ملګرو ملتونو د چارټر او د سلامتي كونسل د قراردادونو له مخې د خپلواكۍ جائز حق نه وي ترلاسه كړی كوم چې په سوئېلي آسيا كښې د پوخ امن٬سلامتيا او د پرمختګ يوازنې حل دې
