اسلام آباد31 دسمبر(اے پي پي) د قامي اسمبلۍ سپيكر اسد قېصر وئيلي دي په خېبرپښتونخوا كښې د سي پېك له مخې په روانو منصوبو به د كار ګړندې كولو په اړه بې غوري ونه كړې شي ،چشمه رائټ بېنك کنال منصوبې بشپړېدو لپاره دې ټول وسائل وكارولې شي۔ د دې خيالاتو څرګندونه ده د زيارت په ورځ د پارلمان د سټېرنګ كمېټۍ غونډې مشرۍ په مهال كړې۔ په غونډه كښې وفاقي وزير پروېز خټك او د وزيراعظم خاص مرستيال ارباب شهزاد سره سره د اړوندو وزارتونو اعلٰې چارواكو ګډون وكړٶ۔ په دې موقع اړوندو چارواكو د پېښور ډي آئي خان موټروے منصوبې په پېشرفت بريفنګ وركړٶ او د دير چكدره موټروے منصوبې د تفصيلات نه غونډه خبر كړې شوه۔ په دې موقع صوبائي سرښار پېښور لپاره د ګرېټر سرکلر رېل منصوبې عملي كولو په اړه هم كمېټي خبر كړې شوه ۔ سپيکر د اړوندو ادارو چارواكو ته د سي پېك له مخئ د روانو منصوبو په وخت بشپړولو لپاره ډېډ لائن وركولو سره ووئيل په منصوبو كار ګړندے كولو لپاره دي په ترجيحي بنيادونو اقدامات وكړے شي۔ ده ووئيل د سي پېك منصوبو سره د صوبې د اولس پراخه مفادات تړلې شوي او د دغې په وخت بشپړېدو سره به اولس ته د روزګار موقعې په لاس ورشي۔ ده ووئيل د سي پېك منصوبو سره به صوبه كښې د پرمختګ نوې لارې پرانستلې شي۔ ده ووئيل وزيراعظم عمران خان د سي پېك له مخې د منصوبو زر بشپړېدل غواړي۔ ده ووئيل د رشكئۍ منصوبې بشپړېدو سره به اقتصادي ترقي زياته شي او د روزګار نوې موقعې به رامخې ته شي۔
