پېښور 02 جنوری (اے پی پی) په خېبر پښتونخوا كښې د بارانونو او په بالائي ضلعو كښې د واورې ورېدو نوې لړې ﴿نن﴾ د اتوار په ورځ د پېل كېدو امكان دے. پي ډي اېم اے د كال 2021م وړومې لړې لپاره ضلعي انتظاميې ته مراسله جاري كړې. د بارانونو او واورې ورېدو لړې به د نهې تر ورځ روانه وي. په ګليات، دير، سوات، بونير، كوهستان او مانسهره كښې د واورې ورېدو امكان دے. د پي ډي اېم اے ډي جي اړوند ادارو ته د اقداماتو كولو هدايات كړي او وئيلې ئې دي چې سېلګري دې د موسمي صورتحال څخه خبر وساتل شي. ده ووئيل چې سېلګري دې د سفر په مهال احتياطي تدابير وكړي، د پي ډي اېم اے اېمرجنسي آپرېشن سنټر په مكمل توګه فعال دے، د كومې پېښې اطلاع دې په هېلپ لائن 1700 وكړې شي.
