اسلام آباد 09 فروری (اے پی پی) د قانون وفاقی وزیر بیرسټر فروغ نسیم وئيلي دي سپېځلتيا لپاره بايد د سېنېټ ټاكنې د اوپن بيلټ ترمخه وكړې شي، اپوزیشن د سېنېټ په ټاكنو كښې كرپشن كول غواړي،د دوي مقصد كه کرپشن نه وي نو اپوزیشن دې د مخالفت وجه اوښائي، د سېنېټ ټاكنو شیډول جاری كيدو نه پس قانون كښې بدلون نه شي كيدے، احتساب لپاره 100 عدالتونه جوړوو، د اېم کیو اېم او پی ټی آئی ترمينځه خفګان نشته۔د دې خيالاتو څرګندونه ده د نهې په ورځ يو نجي ټي وي سره په خپلو خبرو كښې وكړه۔ده ووئيل دا تاثر بالکل غلط دے چې حکومت د سېنېټ ټاكنې رانزدې كيدو تر مخه د اوپن بیلټ د لارې په ټاكنو كولو زور راوړي۔ ده ووئيل وزیراعظم عمران خان تير كال اکتوبر راهسې د سېنېټ ټاكنې د اوپن بيلټ د لارې كولو لپاره هڅې كوي۔ده ووئيل پاکستان كښې د سېنېټ ټاكنې يو ماضی لري، مونږ په سېنېټ ټاكنو كښې په يو بل د غړو اخستو او خرڅولو تورونه لګوو، د اوپن بیلټ د لارې د سېنېټ ټاكنو په كولو بنیادی مقصد د هارس ټريډنګ مخنيوې كول دي
