اسلام آباد 30 مارچ (اے پي پي) وزيراعظم عمران خان ګلګت بلتستان لپاره د تاريخي پرمختيائي پېكج منظوري وركړې. د ګلګت بلتستان د پرمختګ په اړه د وزيراعظم عمران خان په مشرۍ كښې د لوړې پاې غونډه وشوه. په غونډه كښې د منصوبه بندې وزير اسد عمر، د خزانې وزير حماد اظهر، د مواصلات وزير مراد سعيد ، د انفارمېشن ټېكنالوجې وزير امين الحق، د ګلګت بلتستان وزيراعلٰی خالد خورشيد، د پلاننګ كميشن ډپټي چيئرمېن او نورو اعلٰی چارواكو ګډون وكړو. په غونډه كښې د ګلګت بلتستان پرمختګ لپاره د تاريخي پېكج منظوري وركړې شوه. په دې موقع وزيراعظم عمران خان ووئيل په بېلا بېلو څانګو كښې د پرمختيائي پروژو په نتيجه كښې به كه يو خوا په منطقه كښې د تعمير او پرمختګ نوے دور پېل شي نو ورسره به د سيمې ستونزې هم حل شي او ځوانان به د نوكرو بې شمېره موقعې ولري. وزيراعظم غونډې ته په خپله وېنا كښې ووئيل د ګلګت بلتستان پرمختګ ته اوسنے حكومت پام لرنه كوي. په ګلګت بلتستان كښې د سېلګرې ډېر صلاحيت شته او د دې په كار راوستلو ضرورت دے. وزيراعظم د ګلګت بلتستان وزيراعلٰی ته هدايت وكړو چې د سېلګرې ودې او ماحولياتي تحفظ ته خاص پام وكړي
