اسلام آباد 23 اپرېل (اے پي پي) وزيراعظم محمد شهباز شريف وئيلي دي چې د آئين بالادستې سره په پاكستان كښې جمهوري ادارې قوي كېدې شي. د وزيراعظم دفتر د مېډيا څانګې لخوا جاري شوي بيان له مخې وزيراعظم محمد شهباز شريف سره د خالي په ورځ د قومي اسمبلۍ غړي محسن شاه نواز رانجها ملاقات وكړو. د ملاقات په مهال په پاكستان كښې د جمهوريت استحكام او د پاكستان معاشي پرمختګ په چارو خبرې وشوې. په دې موقع وزيراعظم محمد شهباز شريف ووئيل چې د آئين بالادستې سره په پاكستان كښې جمهوري ادارې قوي كېدې شي. ده ووئيل چې د جمهوري ادارو مضبوطيا او د اولس فلاح لپاره به مونږ ټولو ته په ګډه كار كول وي. محسن شاه نواز رانجها د دې باور څرګندونه وكړه چې د وزيراعظم محمد شهباز شريف په مشرې كښې به په وفاقي حكومت كښې د پرمختګ هغه رفتار په نظر راشي كوم كښې د ده په مشرې كښې په پنجاب كښې ليدل شوے.
