اسلام آباد 08 فروري (اے پي پي)د سائنس او تېكنالوجي وفاقي وزير سېنېټر شبلي فراز وئېلي دي د اپوزېشن د ملاقاتونو څخه حكومت كومه يره نه لري٬اتحاديانو تل په سخت وخت كښې د حكومت ملګرتيا كړې او راتلونكې كښې به هم د حكومت سره ولاړ وي٬د ګرانۍ باوجود اولس د وزيراعظم عمران خان څخه هيله لرې او د كال 2022 په ټاكنو كښې به تحريك انصاف ښه ښكاره اكثريت سره كاميابي ترلاسه كوي۔د نهې په ورځ نجي ټي وي چينل سره په خبرو كښې ده ووئيل اپوزېشن ګوندونه په وړومبي ځل ملاقاتونه نه كوي ٬دوي وړاندې هم يو بل سره ملاقاتونه كړي۔ده ووئيل د سياسي ګوندونو مشرانو يو بل سره ملاقاتونه كېږي دا كومه لويه خبره نه ده۔ده ووئيل اتحاديانو عمر له په سخت وخت كښې د حكومت مرسته كړې او په مهمو بلونو كښې يې ملاتړ هم كړے۔اتحاديان پرون هم زمونږ سره ولاړ وو او راتلونكې كښې به هم وي۔ده ووئيل تحريك انصاف د 2023 نه تر 2028 د حكومت چمتووالے نيسي٬اولس وړاندې هم وزيراعظم عمران خان كامياب كړے ؤ او اوس هغوي د وزيراعظم عمران خان په مشرۍ پوره باور لري۔
