كراچۍ 27 اپرېل (اے پي پي)د كورنيو چارو وفاقي وزير رانا ثناﺀ الله وئېلي دي كراچۍ كښې د ترهه ګرۍ په پېښه كښې د چينائي وګړو د مرګ پېښې پلټنې پېل كړے شوي٬ډېر زر به مجرمانو ته ورسوو٬د پاك چين اړيكو خرابولو هر سازش به ناكامه كولې شي۔د دې خيالاتو څرګندونه ده د شورو په ورځ د چين قونصلټ ته د تګ په موقع په خپلو خبرو كښې وكړه۔د كورنيو چارو وفاقي وزير رانا ثناﺀ الله د شهباز شريف په خاص سپارښتنه كراچۍ ته رسېدلے ۔وفاقي وزير د چين قونصلر جنرل سره د كراچۍ په چاودنه كښې د چينائي وګړو په مړينه غمرازي ښكاره كړې ۔وفاقي وزير رانا ثناﺀ الله د چين قونصلر جنرل ته د وزيراعظم خاص پیغام هم رسولے ۔وفاقي وزير په وزيټر بورډ بك كښې د كراچۍ پیښې په اړه خپل تاثرات هم وليكل۔په دې مهال داخله سېكرټري يوسف نسيم كهوكهر هم د د وفاقي وزير رانا ثناﺀ الله سره ملګرے وو۔په دې موقع په خپلو خبرو كښې رانا ثناﺀ الله ووئيل زه د وزيراعظم په خاص سپارښتنه د چين وګړو تعزيت لپاره قونصلټ ته راغلے يم۔ده د چينائي وګړو په مړينه د غم دړد څرګندونه وكړه۔ده ووئيل د ترهه ګرۍ پېښه د غندنې وړ ده٬د پیښې پلټنې پېل شوي۔مجرمانو ته به زر تر زره ورسوو۔ده ووئيل وزيراعظم شهباز شريف د كراچۍ پېښې پلټنې مانيټرنګ پخپله كوي۔ده ووئيل د چينائي وګړو په مړينه ټول قام دړدېدلے دے ۔ده ووئيل چين او پاكستان په خپلو كښې په زړه پورې اړيكې لري او د پاك چين اړيكو خرابولو هره هڅه او سازش به ناكامه كولې شي۔
