اسلام آباد۔19ستمبر(اے پی پی) د بېنظير انكم سپورټ پروګرام لاندې د سېلاب ځپليو 1,017,214 كورنيو ترمينځه 25,430,350,000اربه روپۍ وېشلې شوې دي۔ د فلډ ريليف كېش اسسټېنس لاندې د بلوچستان، سندھ، خېبرپختونخوا او پنجاب سېلاب ځپليو كورنيو ته د كورنۍ په سر 25000 روپۍ وركولې شي۔ په بلوچستان كښې سېلاب ځپليو 130,747 كورنيو ته 3,268,675,000 ٬ سندھ كښې 610,263 كورنيو ته 15,256,575,000 ٬ خېبر پختونخوا كښې 124,381 ته 3,109,525,000 او په پنجاب كښې 151,823 كورنيو ته 3,795,575,000 روپۍ وركړې شوي دي۔ د ګل ورځې تر ماښام بېنظیرانکم سپورټ پروګرام په ګرد هېواد كښې سېلاب ځپليو 1,017,214 كورنيو ته په مجموعي توګه 25,430,350,000 روپۍ وركړې۔ تېره ورځ په بلوچستان كښې 2,231 ، سندھ كښې 6,988 ، خېبرپختونخوا كښې 1,112 او پنجاب كښې 510 كورنيو د مرستې رقم ترلاسه كړو۔ په مجموعي توګه تېره ورځ سېلاب ځپليو 10,841 كورنيو په سېلاب ځپليو سيمو كښې جوړ كړې شويو بېلو كېمپونو څخه دا رقم اخستې دې۔ د يادونې وړ ده چې په بینظیر انکم سپورټ پروګرام هېډكوارټر كښې يو كنټرول روم جوړ كړې شوې دې دغسې چې په ادائېګو كښې سپېځلتيا باوري كړې شي۔
