اسلام آباد 26 اپرېل (اے پي پي)د قامي اسمبلۍ سپيكر راجه پروېز اشرف وئيلي دي پاكستان د سيمه ايز پرمختګ٬تجارت٬توان او معيشت استحكام لپاره قطر سره په ترجيحي بنيادونو شراكتداري غواړي٬د تعليم په څانګه كښې 10 لكه پاكستانو ماشومانو ته د تعليم آسانۍ په وركولو د قطر حكومت مننه كوو۔د نهې په ورځ سپيكر د قطر سفير شېخ سعود بن عبدالرحمان بن الفيصل الثاني سره په پارليمنټ هاؤس كښې ملاقات وكړو چې پكښې د دوه اړخيزه اړيكو پشمول د شريكې خوښې په مهمو چارو تفصيلي خبرې وشوې۔سپيكر راجه پروېز اشرف ووئيل پاكستان ورور اسلامي هېواد قطر سره اړيكو ته د قدر په سترګه ګوري۔ورور هېواد قطر په هر سخت وخت كښې تل د پاكستان ملګرتيا كړې۔ده ووئيل پاكستان قطر سره پارليماني روابط او د ملګرتيا اړيكو ته د ودې وركولو خوښي لري۔د قطر سفير په دې مهال ووئيل قطر پاكستان سره خپل اړيكو ته اهميت وركوي۔قطر پاكستان سره په سماجي او اقتصادي څانګو كښې د مرستې خوښي لري او قطر به لس لكه ماشومانو ته په تعليمي آسانيو وركولو كښې د پاكستان مرسته كوي۔ده ووئيل قطري فرمز په پاكستان كښې سرمايه كاري زياتول غواړي ۔په پاكستان كښې د اقتصادي پرمختګ لپاره به قطر هره مرسته دوامداره ساتي۔ ده ووئېل په قطر كښې مېشته پاكستانيان د قطر په تعمير او پرمختګ كښې مهم كردار تر سره كوي
