اسلام آباد – 27 ڊسمبر (اي پي پي) وزيراعظم شاهد خاقان عباسي چيو آهي ته ملڪ ترقي جي راهه تي گامزن ۽ جمهوريت متحرڪ آهي، ڪيڊٽ ڪاليج حسن ابدال نظم ۽ ضبط جو اعليٰ مثال آهي، هتي تعليم حاصل ڪندڙ شاگرد ملڪ جي مستقبل جي سياسي، عسڪري، صنعتي سميت هر شعبي جي قيادت آهن، ڪاليج مان پاس ٿيندڙ شاگرد نه رڳو پاڪستان پر دنيا ۾ پنهنجو موثر ڪردار ادا ڪري رهيا آهن، ابدالين صرف هڪ لفظ نه پر هڪ برانڊ جو نالو بڻجي چڪو آهي، هن کي دنيا ۾ قدر جي نگاهه سان ڏٺو ويندو آهي، ڪيڊٽ ڪاليج حسن ابدال اعليٰ روايتن جو معيار رکندڙ آهن، هو ڪيڊٽ ڪاليج حسن ابدال ۾ والدين جي ڏهاڙي جي سالياني تقريب کي خطاب ڪري رهيو هو.
