اسلام آباد – 27 فيبروري (اي پي پي) صدر ڊاڪٽر عارف علوي چيو آهي ته ڀارت ۾ سکن، عيسائين ۽ مسلمانن جون زندگيون زهر بڻايون ويون آهن، آر ايس ايس جي نفرت انگيز فلسفي گانڌي کي به قتل ڪيو، ڪشمير ننڍي کنڊ جي ورڇ جي اڻ مڪمل ايجنڊا آهي، پاڪستان امن جو خواهشمند آهي پر ڪشمير مسئلي تي ڪڏهن به ڪو ٺاهه نه ڪندو، پاڪستان جي هٿياربند فوج ٻه ڀارتي جهاز ڪيرائي ڀارت جو غرور مٽي ۾ ملائي ڇڏيو. اهڙن خيالن جو اظهار هن”شدت پسند ڀارت ۽ ذميدار پاڪستان“ جي موضوع تي سيمينار کي خطاب ڪندي ڪيو.
