اسلام آباد – 30 مئي (اي پي پي) صدر ڊاڪٽر عارف علوي چيو آهي ته اسلامي اصولن ۾ سڀ کان وڌيڪ احساس کي فوقيت ڏني وئي آهي، زندگي جون خوشيون ٻارن سان جڙيل آهن، حضور صه يتيم ٻارن جو خيال رکڻ جي تاڪيد ڪئي آهي، هو ايوان صدر ۾ يتيمن جي ڏينهن جي حوالي سان تقريب کي خطاب ڪري رهيو هو، ان موقعي تي هن چيو ته الله تعاليٰ انهن ماڻهن کان سخت ناراضگي جو اظهار ڪيو آهي جيڪي يتيمن کي ڌڪا ڏيندا آهن ۽ ماڻهن کي مسڪينن جي لاءِ طعام جو انتظام ڪرڻ جي ترغيب نٿا ڏين.
