پېښور 04نومبر (اے پي پي) صدر مملكت ډاكټر عارف علوي په دوه ورځنې دوره پېښور ته ورسېدو. د ايوان صدر د پرېس څانګې لخوا په جاري شوي بيان كښې وئيلي شوي دي چې د پېښور په ګورنر هاٶس كښې صدر مملكت ډاكټر عارف علوي سره د خېبر پښتونخوا ګورنر ملاقات وكړو. په دې موقع په قبائيلي ضلعو كښې په پرمختيائي چارو او د قبائيلي اولس د خېر ښېګړې په اړه د حكومت په چارو خبرې وشوې. د ملاقات په مهال د صوبې په اعلٰی تعليمي ادارو كښې د انتظامي او مالي اصلاحاتو په ا ړه هم خبرې وشوې.
