اسلام آباد 24 نومبر (اے پي پي) وزيراعظم عمران خان د ټولنې پرمختګ او عظيم قام جوړيدو لپاره د اعليٰ اخلاقي اقدارو په پيروۍ كولو زور راوړلو سره وئيلي دي كله چې اخلاقي اقدار ختم شي او غلا خرابي نه ګڼلې كېږي نو قامونه د زوال ښكار كېيږي، کرپشن د هېواد لويه مسئله ده، لندن كښې د غلا په روپو فليټس اخستونكې د رسيدونو ښكاره كولو په ځاے عدليې او د پوځ پشمول د ادارو په ضد كمپائن چلوي، په دروغو وئيلو د هېواد نه تلونكے سزا يافته كس تقريرونه كوي،د پاکستان سباؤن د ځوانانو په لاسو كښې دے، د کامياب پاکستان پروګرام ترمخه 40 لکهه ځوانانو له د سود نه غير قرض به وركولې شي،په هېواد د كورونا په وجه سخت وخت راغلے ٬ په نړۍ كښې د څيزونو بيعې زياتيږي۔ د دې خيالاتو څرګندونه د شورو په ورځ د کامياب جوان کنونشن ته وينا كښې وكړه۔ وزيراعظم ووئيل خاص مرستيال عثمان ډار او د هغه ډلې له په کامياب جوان کنونشن کولو مبارکي وركوم، عثمان ډار د کامياب جوان پروګرام په اړه مهم كردار لري، کامياب جوان پروګرام کاميابۍ سره مخ په وړاندې روان دے او دا به زمونږ په منصوبو كښې تر ټولو كامياب ثابت شي۔ ده ووئيل كله چې زما عمر 9 كاله ؤ نو پلار سره كركټ كتلو له تللے ووم او ما هغه وخت د كركټر جوړيدو خواهش څرګند كړےؤ خو ما ته ووئيل شول چې ټيسټ کرکټر جوړيدل مشكل كار دے خو بيا ما د نړۍ په كركټ كښې د وخت سره سره د کاميابۍ منزلونه ترسره كړل، چې كله مې روغتون جوړول پېل كړو نو وكړو ووئيل روغتون نه شي جوړيدلے ، کينسر روغتون كښې د رنځورانو ويړيا درملنه ناممكن ده خو ما په محنت او كلك عزم سره ناممکن ممکن كړو، ده ووئېل د خپلو غلطو څخه زدكړه كاميابي ده، لوي څښتن کاميابي راكړه، كوم هم انسان تر نن ورځې د محنت کولو نه غير کامياب شوے نه دے ، نړۍ كښې د لوي كار كولو لپاره كوم شارټ کټ نه وي ، اوږد مزل كولو ته اړتيا وي۔ وزيراعظم عمران خان ووئيل څومره چې سوچ لوي وي دومره بنده لوي انسان جوړيږي، ځوانان چې څومره د چيلنجونو په مړانه مقابله وكړي دومره به کاميابيږي۔ده ووئيل وئيلي كېدل چې تحريك انصاف کامياب سياسي ګوند نه شي جوړيدے،هېواد كښې دوه كونديز نظام ؤ خو تحريك انصاف د دريم ګوند په توګه رامخې ته شو ، سياست ته چې راغلم نو تر 14 كالو به ما پورې ټوقې كيدې ، كله چې مو نمل پوهنتون جوړول پيل كړو نو په نجي څانګه كښې دلته کامياب پوهنتون نه ؤ ، ده ووئېل د كوم هم انسان کردار په مشکل وخت كښې معلومېږي ، خراب وخت د تحمل سره زغمل او غلطو څخه زدكړه كول د کاميابۍ راز دے۔ده ووئيل د پاکستان تر ټولو لويه مسئله کرپشن دے،كله چې د هېواد مشر کرپټ وي نو قام كښې د غريبۍ شرح زياتيږي ، پانامه كښې د آف شور کمپنيو مالکانو نامې رامخې ته شوې ، قطري خط او کيلبري فونټ ټول فراډ ؤ، د غلا په روپو جائيدادونه اخستونكو رسيدونه نه دې وړاندې كړې او د عدليې او پوځ پشمول د ادارو په ضد كمپائن چلوي۔ده ووئيل قامونه هله تباه شي كله چې غلا خرابي نه ګڼلې كېږي ۔ كله چې اخلاقي اقدار ختم شي نو قامونه د زوال ښكار شي
