اسلام آباد 01 اګست (اے پي پي) آئي ټي او د ټيلي کميونيکيشن وزير مملكت شزه فاطمه وئېلې دي ډيټا ريګوليشن او سائبر سکيورټي ته مونږ وړومبۍ پام لرنه كوو ، آئي ټي برآمدات 25 ارب ډالرو ته رسول هدف دے ۔ دې د زيارت په ورځ آئي ټي وزارت كښې تابيا شوي راونډ ټيبل سيشن ته د ‘اوپن ډيټا فلوز اينډ پاکستان ډيجيټل اکانومي’ په سرخط خطاب کولو ۔راونډ ټيبل سيشن كښې د ايشياء انټرنيټ کوليشن منيجنګ ډائريکټر جيف پين، ګوګل او د ميټا استازو ګدون كولو۔ په دې مهال کنوينر ډيجيټل پاکستان کميټي تانيه ايدروس او سيکرټري آئي ټي عائشه حميرا چوهدري هم موجود وې ۔وزير مملکت ووئېل د آئي ټي څانګې ترقۍ له عزم لرو ، آئي ټي برآمدات تر 25 اربه ډالرو رسول زمونږ هدف دے، د وزيراعظم په هدايت د پرائيويټ سيکټر په هره ډول مرسته كوو ، د پاکستان هم په ډيجيټل معيشت بدلولو لپاره اقدامات روان دي۔ راونډ ټيبل سيشن كښې د ډيټا لوکلائزيشن په اړه تفصيلي خبرې وشوې او ګدون كوونكو د ډيټا حساسيت او د ډيټا هوسټنګ په بابله خپله رائے هم وركړه ۔ راونډ ټيبل سيشن كښې د پاکستان سافټ ويئر هاوسز ايسوسي ايشن، پي ټي اے، ايس اي سي پي، سټيټ بينک، اين آئي ټي بي چارواكو او د آئي ټي وزارت سينئر چارواكو هم ګډون وكړو ۔
