ملګري ملتونه ۔12ستمبر(اے پی پی) په ملګرو ملتونو كښې د پاكستان مستقل مندوب منېر اكرم د عمومي اسمبلۍ نوي صدر او د كېمرون پخواني وزيراعظم فلیمون یانګ سره په نيويارك كښې د ملګرو ملتونو په هېډكوارټر كښې ملاقات وكړو او هغه سره يي د عمومي اسمبلۍ د 79 مې غونډې په ايجنډا د خيالاتو څرګندونه وكړه۔ ده فليمون يانګ ته د پاكستان لخوا د بشپړه مرستې باور وركړو۔ د پاكستاني مشن لخوا په جاري شوي پرېس ريليز كښې وئيلې شوي چې پاکستانی مندوب فلیمون یانګ ته د ملګرو ملتوو د عمومي اسمبلۍ روان سېشن صدارت په سنبالولو مباركي وركړه۔ منیر اکرم تېره ورځ د ملاقات په مهال نړۍ ته د پېښو يو شمېر پېچلو مسئلو په موجودګۍ كښې تل پاتي اقتصادي پرمختګ ٬ امن او سلامتيا او بشري وقار پلو د صدر يانګ پاملرنه خوشبينه وګرځوله كومه چې د ملګرو ملتونو د چارټر بنيادي ستن ده۔ ده د پاكستان لخوا هيله څرګنده كړه چې ملګري ملتونه به د ده په زيركه مشرۍ كښې په نړيوالو چېلنجونو قابو موندلو كښې كامياب شي۔ د عمومي اسمبلۍ صدر د نېكو هيلو په څرګندونه د پاكستاني مندوب منېر اكرم مننه وكړه۔ ده په اېكس خپل يو پوسټ كښې ووئيل په ملګرو ملتونو كښې د پاكستاني مستقل مندوب سره شوے ملاقات خوشبينه دے او د يو اېن جي اے د راروانې 79 مې غونډې لپاره د ده د ملاتړ ستائنه كوؤ
