اسلام آباد۔12ستمبر(اے پی پی)د جمعيت علماﺀ اسلام(ف)مشر مولانا فضل الرحمان وئېلي دي چې پارليمان به سپريم جوړول وي٬ مونږ ته د هېواد سلامتيا٬ وحدت او د دې يو والې ګران دې٬ دا زمونږ كور دے٬ مونږ له به د خپل كور حفاظت لپاره كردار ترسره كول وي٬ عدالتي اصلاحات لپاره دې سپريم جوډيشل كونسل او پارليمنټ كمېټۍ شريكه غونډه كښې پرېكړه وكړې شي چې دا اصلاحات څنګه كول دي۔ د زيارت په ورځ په قومي اسمبلۍ كښې د وېنا كولو په مهال مولانا فضل الرحمان ووئيل چې څو ورځې وړاندې ناوړه پېښه رامخې ته شوې وه٬ سپيكر چې د خپل د ايوان خپلو ملګرو لپاره كوم اقدام كړے د هغې ستائنه كوم٬ د اسمبلۍ هر غړي سره د ايوان تقدس تړلے دے۔ ده ووئيل چې ما وړاندې هم دا عرض كړے ؤ چې مونږ له څه وخت اولس ته هم وركول پكار دي٬ما د خېبرپښتونخوا او بلوچستان امن او امان په اړه خبره كړې وه٬ شايد د هېواد په پرامن او پرسكون سيمو كښې د دغې ځايې د صورتحال صحيح ادراك نه كيږي٬ لوے څښتن دې دا هېواد سلامت وساتي٬ مونږ ته د دې هېواد سلامتيا٬ وحدت او د دې يو والې ګران دې٬ دا زمونږ كور دے او كه زمونږ د كور د ورانولو هڅه وكړې شوه نو مونږ له به د خپل كور حفاظت لپاره كردار ادا كول وي۔ ده ووئيل په لكي مروت٬ بنو او ډېره اسماعيل خان كښې پوليس دھرنا كړې ده ۔ده ووئيل اېكسټېنشن كه په سول بيورو كرېسي كښې وي يا نورو ادارو كښې هر ځاے سم نه دے۔ مونږ له د اصولو پلو تلل پكار دي۔ده ووئيل چې مونږ له به په عدالت د باور بحالۍ لپاره دا قوي جوړول وي٬ په سپريم كورټ كښې 60 زره څخه زياتې مقدمې التواﺀ سره مخ دي٬ د دې خلكو څه قصور دے چې د دوي مقدمې تر نسلونو روانې وي۔
