اسلام آباد 27 اکتوبر(اے پي پي) د اطلاعات او خپرونو وفاقي وزير سنيټر شبلي فراز وئيلي دي آزادي يو نعمت دے٬ د آزادۍ په قدر ھغه څوك پوهېږي څوك چې ترې محروم دي٬ د بده مرغه نړيواله ورورولي د كشمير په كشاله دوه مخېز معيار لري،د کشميريانو تحريك د فلسطين تحريك سره مماثلت لري، د کشميريانو هلې ځلې په كاميابۍ سره روانې دي او ډېر زر به په كشمير كښې د آزادۍ نمر څيره اووهي۔ ده دا خبرې د نهې په ورځ لوك ورثه كښې د اطلاعات او خپرونو ذيلي ادارې ډائريکټورېټ آف الېکټرانک ميډيا اينډ پبلسټي تر سېوري لاندې د كشميريانو د هلو ځلو په اړه د عكسونو نندارتون پرانستې دستورې ته خپله وېنا كښې وكړې۔ په دې موقع د اطلاعات او خپرونو سېكرټري اکبر دراني ، پي آئي او شاهيرہ شاهد او د وزارت نور لوړ پوري هم موجود وو۔ سنيټر شبلي فراز ووئيل د كشمير هلې ځلې د پاكستان د ادب مهمه برخه ده، د پاکستان اديبانو او شاعرانو د كشمير هلې ځلي په ښه ډول رامخې ته كړي۔ ده ووئيل د وزارت لخوا د كشميريانو د هلو ځلو په اړه د عكسونو نندارتون سره به د نوي كول د كشميريانو د تحريك نه خبرو له آسانۍ ترلاسه شي۔۔ ده ووئيل وزيراعظم عمران خان د ملګرو ملتونو د سلامتي كونسل په غونډه كښې د وېنا په مهال د ملګرو ملتونو په قراردادونو د عمل نه كولو نتيجو نه نړۍ خبر كړې ۔ ده ووئيل بي ګناه كشميريان د هند د ظلمونو ٬ جبر او بربريت په ضد په مړانه او مستقل مزاجۍ سره ولاړ دي۔ ده ووئيل په 5م اګست كال 2019 هند د غېر قانوني اقدام د لارې د كشمير آئيني حېثيت بدل كړے٬ د پاكستان پشمول ضمير لرونكو هېوادونو د هند د دغې اقدام په ضد احتجاج كړے، د کشمير مېړنې اولس د 400 ورځو راهسې د هند د غېر قانوني اقدامات او تسلط په مړانه مقابله كوي
