کراچۍ 29 جنوري (اے پي پي) د اطلاعات او خپرونو وفاقي وزير سنيټر شبلي فراز وئيلي دي د كراچۍ اولس تحريك انصاف ته مثالي مېنډېټ وركړے ، وزيراعظم عمران خان د کراچۍ سره مينه لري ٬ بنډل آئي لېنډ د سندھ او كراچۍ اولس لپاره پروژې دي ٬ دې سره به په هېواد ته سرمايه كاري راشي٬ د روزګار موقعې به راپېدا شي او معيشت به وده وكړي، غواړو چې د سېنېټ الېكشن سپېځلے وي او لكه د ماضي د ووټ اخستل خرڅېدل نه وي۔ د جمعې په ورځ ميډيا نمائندګانو سره په خبرو كښې ده ووئيل پي ډي اېم سره مو هېڅ كار نشته ٬ دوي خپل ذاتي مفاد لپاره ډرامه كوي٬ د دوي سمت مختلف دے دې لپاره د دوي منزل يو نشي كېدے٬ د اولس ډاډګيرنه پي ډي اېم ته نه ده ترلاسه۔ ده ووئيل وزيراعظم عمران خان نه خو انډسټري لري او نه كاروبار٬ د کراچۍ اولس د ماضي ګوندونو څخه پوزې له په راتللو پي ټي آئي له ووټ وركړې۔ ده ووئيل وفاقي حكومت كراچۍ لپاره پرمختيائي پيكج اعلان كړے خو صوبائي حكومت به پكښې خنډان راولاړوي۔ ده ووئيل كراچۍ د هېواد اقتصادي مركز او د سر تاج دے، د ماضي واكمنو د سټيل ملز پشمول د هېواد په ادارو كښې سياسي بهرتۍ كولو سره ادارې تباه كړي ، سندھ كښې اوس هم ھغه كسان په كليدي چوكو ناست دي كوم چې د كرپشمن په كېسونو كښې سزا وار دي۔ ده ووئيل پي ډي اېم دا هڅه كوله چې په وزيراعظم عمران خان فشار واچوي چې د كرپشن كېسونه بند شي٬ مردم شماري زمونږ په دور كښې نه ده شوې، ٫په سندھ كښې د پېدا كېدونكې ګاز لويه برخه هم دلته استعمالېږي۔ده ووئېل به سندھ كښې 1700 مېليونه كيوبك فټ ګاز پېدا كېږي او 90 فيصده برخه ئې په سندھ كښې استعمالېږي او 111 مېليونه كېوبك فټ ګاز د سندھ نه بهر ځي كوم چې په اوړو كښې د مالګې برابر دے۔ ده ووئيل د اتلسم بدلون مقصد دا وه چې د صوبو په خپلو وسائلو كنټرول وي۔ د يوې پوښتنې په ځواب ده ووئيل د پټروليم مصنوعاتو په بيعه كښې ردوبدل په نړيواله كچه د پټروليم په بيعه كښې د بدلون له مخئ كېږي۔ وفاقي وزير ووئيل د سندھ حكومت په بنډل آئي لېنډ او کراچي پېکيج كښې خنډان راولاړوي٬ حالا نکه دا منصوبې د كراچۍ او سندھ اولس لپاره دي، دې منصوبې سره به سندھ ته غېر ملكي سرمايه كاري راشي۔ ده ووئيل د ماحوليات مسئله رامخې ته كړې شوې حالانكه داسې هېڅ نشته۔ وزيراعظم عمران خان ګرين پاكستان لپاره بېلين ټري منصوبه وړاندې كړې
