اسلام آباد۔10فروری(اے پی پی) صدر ډاکټر عارف علوي وئيلي دي د وزيراعظم د ارزانو كورونو هاؤسنګ سيكم به د هېواد بې وزله طبقې لپاره ګټه ور وي۔ دې سره به نه يوازې د هېواد معاشي هلو ځلو ته وده بلكې د ټولنې كم آمدن لرونكې طبقې ته به هم د استوګنې آساني ترلاسه شي۔ هغه د دې خيالاتو څرګندونه د اخوت فاؤنډېشن اېګزېكټو ډائرېكټر ډاكټر محمد امجد ثاقب لخوا د بريفنګ په مهال وكړه۔ خپل بريفنګ كښې هغه ووئيل د اخوت لخوا 7572 كورونو له د فنانسنګ آساني وركړې شوې۔ په دې مد كښې د جاري كړو قرضو د ستنولو شرح 99.9 فیصد ده۔ هغه ووئيل حكومت د هاؤسنګ اېنډ وركس وزارت د لارې 5 اربه روپۍ بېلې كړي۔ اخوت اسلامك مائيكرو فنانس تر دې دمه 3.37 اربه روپۍ مصرف كړي۔ صدر د ټولنې كم آمدن لرونكې طبقې له د هاؤسنګ سكيم فنانسنګ كښې د اخوت د هڅو ستائنه وكړه۔ هغه د هاؤسنګ اېنډ وركس په وزارت زور راوړو چې هغه د دې سكيم ګټه عام اولس لپاره رامخې ته كړي دغسې چې هغوي دې نه زياته استفاده وكړې شي۔
