سرګودھا۔14اپرېل (اے پی پی) وزیر اعظم عمران خان د نیا پاکستان هائوسنګ پروګرام ترسېوري لاندې د 1 زر 175 كورونو جوړولو منصوبې د بنياد تيګه كېښودلې ده۔ په سرګودھا كښې په 6 بېلو ځايونو كښې به په 3 ٬ 3 مرلو ارزان كورونه جوړولې شي۔ د پنجاب حكومت به دې منصوبې له زمكه او نورې آسانۍ وركوي۔ بېنک آف پنجاب به د مارګېج آساني وركول په خپله ذمه اخلي چې له امله به ئې مستحق وګړي د كور ټول قيمت په آسانو قسطونو كښې ادا كولې شي۔ د دې كورونو الاټمنټ به مستحق وګړو ته د قرعه اندازۍ د لارې كولې شي۔ دې منصوبې لپاره 33,528 خواستونه ترلاسه شوي دي۔ سرګودها كښې د منصوبې تختې مخكتنې په موقعه د پنجاب اعلی وزير عثمان بزادر هم وزيراعظم سره و۔
