اسلام آباد 26 اپرېل (اے پي پي) د اطلاعات او خپرونو وفاقي وزيرې مريم اورنګزېب وئېلي دي عمران خان په دړكو٬غنډه ګردۍ او په الېكشن كمېشن بريد څخه چيف الېكشن كمشنر په استعفٰی وركولو يا د وخت نه په وړاندې ټول ټاكنو كولو مجبورولې نشي۔د نهې په ورځ په پي آئي ډي كښې د مېډيا بريفنګ په مهال دې د كراچۍ پوهنتون كښې د چاودنې غندنه وكړه۔وفاقي وزيرې يادګېرنه وكړه چې د نواز شريف جوړ نېشنل ايكشن پلان د ټولو صوبائي حكومتونو په مرسته څه ډول هېواد كښې امن بحالولو له مرسته كړې۔دې ووئيل شهباز شريف د امن وضعې ښه كولو ته پام لرنه كړې۔په دې لړ كښې به هغه د سندھ حكومت سره په ګډه كار كوي۔وفاقي وزيرې ووئيل څه موده وړاندې د اقتدار په كرسۍ ناست يو كس اولس لوټ كړے چا چې ګراني 16 فيصده ته رسولې۔په هېواد د قرضو پیټے زيات شوے٬ګڼ كسان بې روزګاره شوي او دغسې په لاكهونو وګړي د غريبۍ خط څخه لاندې تللي٬ دې ووئېل د وزيراعظم شهباز شريف په مشرۍ كښې د موجوده حكومت پوښتنه كوي چې په څلورو كلونو كښې هغوي څومره څه تباه كړي چې په دوو اوونيو كښې سم نه شول۔ مريم اورنګزېب ووئيل د دې صورتحال ځواب د خواجه آصف په مشهورو ټګو وركړے كېدے شي چې څه شرم وي٬څه حيا وي۔دې ووئيل عمران خان د پاكستان اولس نور نادانه كولے نشي ځكه چې اولس هغه پیژندلے ٬ دې ووئېل د غېر ملكي سازش بيانيه او د نهې په ورځ په الېكشن كمېشن بريد د هغه په دور كښې د شوې تباهۍ پټولو يوه طريقه ده ٬ د كومې په وجه چې تاريخي ګراني او بې روزګاري راغلې او دغسې معيشت او ګورننس ته زيان رسېدلے ۔د اطلاعات وزيرې ووئيل پي ټي آئي چې نن كومو څيزونو ته ګوته يسي بايد هغوي ته دا خبره ياده وي چې په تېر دور كښې اپوزېشن په پوښتنه كولو زندان ته اچولے شوے ؤ ۔پارليمان ته تاله لګولې شوې وه٬كه مېډيا پوښتنه كوله نو په مېډيا بندېزونه لګېدل او كله چې د هغه په آئين شكنۍ عدليې كاروائي وكړه نو عمران خان په عدليه بريد وكړو۔وفاقي وزيرې ووئيل پي ټي آئي د غېر قانوني فارن فنډنګ كيس حقيقت پټولو لپاره په الېكشن كمېشن بريد كړے ٬د 8 كلونو راهسې زيرالتوا فارن فنډنګ كيس به هغه له ځواب وركول وي۔مريم اورنګزېب ووئيل مونږ هيله لرله چې عمران خان به فارن فنډنګ كيس كښې وړاندې شي او د لګېدلو الزامونو به دفاع وكړي۔دې ووئيل عمران خان 70 لكه ډالره د خپل ذاتي ملازمانو په اكاؤنټس راغوښتي ۔نېشنل ډيزاسټر منيجمنټ فنډ او د سمندر پورې پاكستانيانو د شوكت خانم هسپتال عطيات د پي ټي آئي فارن فنډنګ ته منتقل شوي دغه پېسه چرته لاړه ۔دې ووئيل د دړكو د لارې چيف الېكشن كمشنر په استعفٰی او د وخت څخه په وړاندې ټول ټاكنو كولو مبجورېدے نه شي۔ټاكنې به په خپل وخت كېږي كله چې د الېكشن كمېشن تياري بشپړه شي او كه د پاكستان اولس وغوښتله نو ټاكنې به كولې شي۔ د اطلاعات وزيرې مريم اورنګزېب ووئيل د تېرو دوو اوونيو په مهال پاكستان د مسلم ليګ(ن)حكومت په 27 كښې 20 پاور پلانټس بحال كړي كوم چې د پي ټي آئي د اړخه بند كړے شوي وو ۔دې ووئيل د ايندهن كمے به هم پوره كړے شي او تر 7 مئي به د ايندهن وركړه باوري شي۔دې ووئيل موجوده لوډشېډنګ د عمران خان حكومت د نااهلۍ او د كرپشن ډالۍ ده ځكه چې مسلم ليګ(ن)په هېواد كښې لوډشېډنګ ختم كړے ؤ ۔مريم اورنګزېب يادګېرنه وكړه چې د عمران خان د اړخه اپوزېشن له وركړې دړكې د پاكستان اولس د پي ټي آئي په ماوړه حكمرانۍ په پورته كوونكو پوښتنو بدلې كړي۔اوس د پاكستان اولس ته معلومه شوې چې غلا٬دروغ٬منافقت٬نالائقي٬بد معاشي او غنډه ګردي د عمران خان برانډ دے۔ د اطلاعت وزيرې ووئيل عمران خان له به اوس ځواب وركول وي ٬ هغه چيني٬وړه٬برېښنا٬ګاز او داروګان غلا كړي۔دې ووئيل عمران خان ټولې غېر ملكي دورې په خپل سركاري خرڅ كړي٬يو ارب روپۍ هغه په چورلكه خرڅ كړي ٬ دغسې وزيراعظم شهباز شريف سعودي عرب ته په خپل ذاتي خرڅ ځي۔د خارجه وزارت د اړخه جاري خط په حقله دې ووئيل دا اېس او پي دے كوم چې د عمران خان په دور كښې شروع شوے ؤ ٬دا خط د كوم حكومت په سپارښتنه نه دے جاري كړے شوے بلكې د اېس او پي ترمخه جاري كړے شوے۔دې ووئيل د شهباز شريف په پلاوي كښې 13 كسان شامل دي٬د هغه د سعودي عرب دا دوره د هېواد لپاره مهمه ده٬دې سره به د پاكستان صنعتي او زرعي څانګو پشمول نورو اقتصادي رابطو ته ګټه ورسي۔د يوې پوښتنې په ځواب دې ووئيل د ډيزل كوم كمے نشته خو په ذخيره اندوزۍ په انتظامي توګه قابو موندلے كېږي او راروانو 48 ساعتو كښې به په دې مثبت پېشرفت وشي۔د آئي اېم اېف سره د غونډې په حقله د يوې پوښتنې په ځواب دې ووئيل د خزانې وزير په راستنېدو به ټولې ډنډورې ختمې شي۔د يوې بلې پوښتنې په ځواب دې ووئيل د پي ټي آئي حكومت په مهال د عمران خان او مسز عمران خان فرنټ مين فرح ګوګي په اثاثو كښې بدل شوي تفصيلات به په مېډيا جاري كولې شي او په دې لړ كښې به يوه مقدمه هم درج كولې شي۔دې ووئيل د دې لويې كرپشن به د عمران خان سره لنك ډېر زر په ډاګه شي او قانوني كاروائي به هم وكړې شي
