اسلام آباد 21 جون (اے پي پي) وزيراعظم شهباز شريف په يونان كښې د كشتۍ پېښې تحقيقاتي كمېټۍ ته رپورټ د زر وړاندې كولو امر كولو سره ووئيل چې د پېښې ذمه وار دې زر تر زره انجام ته ورسولې شي۔ د وزيراعظم آفس ميډيا ونګ لخوا د جاري خبر پاڼې له مخې د محمد شهباز شريف په مشرۍ كښې په يونان كښې د كشتۍ پېښې د لوړې كچې غونډه شوې چې پكښې وفاقي وزيرانو رانا ثناء الله، مريم اورنګزېب، خاص مرستيال طارق فاطمي،د اېف آئي اے ډي جي، د آزاد كشمير چيف سېكتر او اړوند چارواكو ګډون كړې۔ وزيراعظم ته يونان سره نزدې په بحيره روم كښې د پېښې په اړه تفصيلي بريفنګ وركړې شو۔ وزيراعظم پوښتنه وكړه چې د بشري قاچاقبرو كاروائۍ په وخت مخنيوي ولېونه كړې شو؟ وزيراعظم د غصې څرګندونه كولو سره پوښتنه وكړه ځپلې كسان چې كومو ضلعو سره تعلق لري د ھغې انتظاميې د ككړ قاچاقبرو او اېجنټانو د كاروائۍ په وخت نوټس ولې نه دې اخستې؟۔ وزيراعظم داخله وزير رانا ثناء الله ته د تحقيقات د بشپړې نګرانۍ او ذمه وارو ته سزا وركولو لپاره د ضروري قانون سازۍ كولو لپاره د تجويزونو مرتب كولو امر وكړٶ۔ غونډه كښې وزيراعظم ته د بريفنګ په مهال ووئيل چې د يونان كوسټ ګارډ د جون په 12مه نيټه كشتۍ په رامخې ته كړې چې پكښې د يوې اندازې له مخې 700 كسان موجود وو او دا د يو مصري ملكيت ٶ چې پكښې د زياتره مسافرو تعلق سوريه ، ليبيا او پاكستان سره ٶ چې پكښې 102 كسان ژوندي رېسكيو كړې شوې دي په دغه كسانو كښې د 15 تعلق پاكستان سره دے ۔ وزيراعظم ووئيل د پېښې نه پس تر اوسه په مجموعي توګه 15 كسان نيولې شوې دي چې پكښې د دې پېښې مركزي تورن هم شامل دے۔ غونډې ته ووئيل شول چې په بشري قاچاق كښې په بېلو هېوادونو كښې موجود يو منظم نېټ ورك ملوث دے۔ وزيراعظم د دې معاملے تفصيلي تحقيقات زر تر زره بشپړولو او اېف آئي اے ته د دې مخنيوي لپاره د موثره اقداماتو كولو امر وكړو۔ وزيراعظم د ګوجرانواله كمشنر ته هم په ضلع كښې د داسې اېجنټس په نښه كولو او دوي قانون سره د مخ كولو امر وكړو
